Хье хIуькуматиъ ме ис бахш акьуная миллатарин садвелдис. Ми кардихъас хабар йине исан сифтта кIилиас хIуькуматин хIатти Владимир Путина. Джаллабурин фикирдиъ ахьасе фиттис э хье хIуькуматиъ гьер иса бахш аркьаф са вакъиайис, фи хайир кея мишттин мегIракабурикес пуна.
Хье хIуькуматин тарих девлетлу э, ппара заманабур вакъиабур алайшуная хье ватанилас. Алайшу вахттарин, девлет тарихин, хьил хьуне халкьарис вере несиларис.
Хье хIуькуматихъ мус хьучира хъаяфе хиянатвел фая душман сасра хIуькуматар. Мебурин кьастт э ккедихьас хье ватан, халкьар, миллатар, инсанар. Инсанарин несилари э ухIаф гьер са вегIдайин тарих. Агъа 1612- пе иса ке читин вахтт хьуфе пуна хье хIуькуматис. Сасра хIуькуматарин кьастт хьуне ккедихьас хье ватан. Мишттин читин вахттуни хье хIуькуматиъ ая халкьар джалла сад хьуна гъузуне душманарин удигь. Хье гъалибвел, халкьарин садвел э, миллатарин арайиъ маслихIет ухIуб, хъая гIедатар, ху чIал, мебур хьин ке удигьай фикир йина ухIуна ккандея сасра хIуькуматарис хье чишна агвар акьас. Миштти идегуна хье хIуькум а ти ъ гьер са вакъиа, арайил аркьая м е г Iра к а бур мункинвел э са усал хьас, сур сурис майил акьас хъара ппара ягIар акьас хьехъ хъая гIедатар.
Кьанди Дагъусттандиъ угъу угъалари ппара хIа зарар йине инсанарихъ хъая дамазлугъдис , мал-къарайис. Хабара адавай хьу курари гIеджиз аркьа инсанарин гIуьмурдин шартIар. Мишттин вахттуни майил лазимди аве, пуная иджвелин чIалра кехIей, ке хIа кумак иджвелин кар ве. Угъаларилас вере хатIабур инсанарилас асуллу курар дава мебур тIабиIетин къанунар э. Дагъусттандиъ хьу читин вакъиайин хабар хьуне хIуькуматиъ гьер мукьариъ дуламиш вея инсанарис. Ми хабарихъди Дагъусттандиди адине инсанар хье хIуькуматиъ гьер мукьариъ дуламиш вея инсанар. Гьертти акьуне чиппифас аттрукьа кумакар.
Гьемишттин вахттуни э хьин ягIар вереф сур сурис хъара ппара. Девлетлубур касибар бицIиттарис хIаттар, сур сурин арайиъ хIуьлмат майил хьугуна э халкьарин арайиъ садвелра вереф. Гьелбетта, эгена хьехъ гъургъа чIал дахьучин, миллатарихъ гIедатар, хIаягъарин ягъар дахьучин, гуланасе инсанарин арайиас халкьдин тарихра. Гьер иса хье хIуькуматиъ бахш акьуб мункинвел э инсанарис сур сурин арайиъ маслехIет ухIуб садвел хьуб сасра хIуькуматарин удигь хьин хье хьалкьар чишна акьуб.
Наиба Гасукаева
