РФ-дин Президенти Владимир Путина Iуьрус чIал ухIубан Советин заседанил гьучихьуне 8-пе сентябрь миллатарин чIаларин хIаягъ акьас. Ме ягъ алчархьая кIилди дуньяйиъ ттур ая назумчи Расул Гамзатован ху ягъал.
«Зе фикирдилди Российиъ гьер миллатарин чIаларин ягъ гьер иса акьас 8-пе сентябрьди Расул Гамзатован ху ягъа», -пуне В. Путина.
Удигьастти президент гъургъуна уйи сасра хIуькуматин чIал хье чIалагIас гIадихьагъилди. Фас пучин, мебурин чIалари хье чIал чиркин аркьа хIела.
Президенти кIвал акьуне авалдин шаирари келхъенди сасра хIуькуматин чIаларик ишламиш аркьаттарихъас.
Ху чIал гьер миллатин тIул тIебиIетин, гIедатин бина э.
Дагъусттандин Правительствойин Председательди Абдулмуслим Абдулмуслимова культурайин пешакурарис гьучархьу мукьуйил кIвал акьуне ху чIал ухIубахъас хъара гьеме кар бадала Российин Президенти маслихIет акьубахъас 8-пе сентябрьди Российиъ гьер миллатарин чIаларин хIаягъ аркьагъилди.
Ме вакъиа лап хIа мегIна хъаяф э, фас пучин, Расул Гамзатован «Журавли» агъа шиир сифтта ликIине авар чIалалди, хабди тарджума акьуне гьер миллатарин чIаларилди. Эгена хьин гьер сад агьал хье чIалахъ тарихдихъ йиркIураастти хIейиф вел хъай хъучушучин, хьас миде замана хьасе шадтти ачухъдинф.
Ху чIал, миллатин культура, гIедат, ме хьибу чIалухъди гьер са инсан хаб верефе нандиъ уч айчира.
Наибет Гасукаева
