Дагъусттандин премьер гъургъуне республикайин парламенти аркьа кардихъас

Дагъусттандин Правительствайин Председательди Абдулмуслим Абдулмуслимов гъургъуне Народный Собранин 46пе сессиъ. Ми ахъакьуне Народный Собранин 2025 иса ахиран январдин вазалахъас — июньди вазаластегьен акьу курарихъас.

Абдулмуслим Абдулмуслимован чIаларилди, ме ушу суре ис рехIетинф давуйи е Дагъусттандисра, е хье хIуькуматисра. Амма ппара курар арайил акьасра хьуне. Ме кар бадала ми чугъсагъул пуне парламентин спикердис Заур Аскендеровас хъара джалла депутатарисра.

«Хье джаллайин кьаст э — хье хIуькуматинра, хье бицIи ватан Дагъусттандин саламатвел ухIуб. Мусхьичира хье республикайин парламентиъ ттур ая, чиппин кар бегьем акьас ягIа камалу дагьустанагьлибур кар аркьай хьефе.
Ахиран исари гьер багварихъас хье хIуькуматил кьадагъабур акьуна алгъазийи вахттуни ппара зурба кар э майил акьуна промышленность, ариш-варишвел, экономика хъара инсанарисра кумак акьас хьеб.

Агьал ппара фикир ирцIанди ая, Заур Асевовича агъа суман, майил аркьая СВОйин ишттаракчибурис, гебурин багунттарис, хизанарис, алийиная суаларис хье хIуькуматин хIатти Владимир Путинара хъара Дагъусттандин хIатти Сергей Меликовара.

Гьер Народный Собранин отчетиъ Правительствайи ахъаркьа агъалкьунарихъас, читинвеларихъас республикайин гьер сферабуриъ. Депутатари, гьер фракцибурин хlаттари фикир ирцlанде гьер джуре направленибурин бегьем дахье суаларис, хабди Правительствайи хъуттурфанде иджи ичина давайчи хье республикайин аваданвел бадала са маслихlет аттивагъилди. Ппара хlа кьимат ая Дагъусттандин Правительствайинра Народный Собранин садвелфай хъай кар акьубас. Хъара чугъсагъул пас кканде зас депутатарис муфеlет кей чахъай аркьа кардис.

Заур Асевович, вера, ве депутатаринра джандин сагъвел хьурай, хъара аркьа кардин агъалкьунар ппара хьурай», — пуне Абдулмуслимова.

Батитай Габибулаева