Дагъусттандиъ чIирхIар арайил аркьа джигагьарин курар бегьем аркьая. Дагъусттандин Правительствойин Председатель Москвайиъ гьучархьуне кардин рекъуьас РФ-йин экологин природный ресурсарин садпе министрдихъай Джамбулат Хатуовахъай. Мебур гъургъуне республикайиъ чIирхIар гьаттивубан гьалдин заманайин системайилди суаларихъас. Магомед Рамазанова чугъсагъулдин чIалар  пуне Джамбулат Хатуовас республикайин экологин инфраструктурайин суалар гъадивуна  ме кар бегьем хьас  аркьая майилдихъас.  ЯгIайин ягъас республикайиъ арайил аркьая лап  хIа экологин проектар-мебурикес ерхьи объект чIирхIар хIел аркьаттар э. Ме кар арайил хьубан маслехIет Iари са инфраструктура гъадивуб дава ме карди гьаттивуне исарилди завал хьуная экологин читинвелар, алтухъ акьуне инсанарин Iуьмурдин шартIар хъара авадан хьасе республика - пуне  Магомед Рамазанова. Дагъусттандиъ ТКО арайил аркьа объектар акьуная ерхьид. 2024-пе иса бегьем акьуне Кумторкалинский райондиъ аркьая полигондин курар. 2025-пе иса Дербентский райондиъ арайил акьуная мусоросортировочный комплексар. Ме иса бегьем акьас фикирдиъ ая Карабудахкентский райондиъ аркьая мусоросортировочный комплексна Дербентский райондиъ аркьая полигондин курар. Ме проектар курар кIилди бегьем хьугуна республикайиъ мункинвел хьасе гьаттивас 528 агъзур тондегьен чIирхIар гьаттивас 950 агъзур тонндегьен арайил акьас. Ме курар хьудегьен  дахи бегьем акьас гъадивая джигагьар вахттуни арайил хьас чинна ппара фикир ирцIандея, –пуне Магомед Рамазанова. Хабди Iудар багвар гъургъуне республикайиъ арайил аркьая гьалдин заманайин системайин ТКО акьубан проектарихъас. Гьалдихъас хабра  вахттуни хайирдилди объектар арайил акьас. Наиба Гасукаева