Хье хIуькуматиъ 10-пе ноябрьди гьер иса  кIвал аркьа РФ-йин МВД-йиъ кар аркьа пешакурарин хIаягъ пуна. Гьеме исара гIедат идегъилди Дагъусттандин МВД-йин структурайиъ кар аркьа пешакурарис мубарак акьуне республикайин хIатти Федор Щукина.

Ме иса Дагъусттандин хIатти республикайин МВД-йин Госавтоинспекцин подразделенис йине цIае джурайин техника, мебур 12 машин «Лада Веста» 5 патрульный мотоциклетар хъара 10 шумомерар. КIилди ме техника мебурис йиная гьавайи.

Ме иса садпегелай э Республикайин бюджетиас майил хьунаф Госавтоинспекцис. Ме подразделенибурин кардилас асуллу э ватанагьлибурин сакинвел. Ме кардикес гьалдихъасхабра мебурис кумак хьасе. Ми кардихъас кIвал акьуне Федор Щукина. Дагъусттан авадан вея: цIае аркьай батIар аркьа рекъер, рекъерил ппара ве улакьар.  Амма мишттин духIубавелар хьучира эхIттиб хъадихьуна ккандава. Республикайин рекъериъ гьер ягъа агъзурарилас вартт инсан алдеая мебурихъ гъузуная хулаъ хизанар шиникквар багу-кIилар.

Хье джаллабурин вазифа э рекъерил хатIабур хьас адатуб инсанарин гIуьмурар ухIуб. ЯгIа хьин кIвал аркьай фикир ирцIанде гьеме кардин рекъуьъ  хIькуматин удигь бурдж йина гIуьмур йи пешакурарин ягъ пуна. Дагъусттандиъ  джурейи хIа кьимат аркьа игитвелдис, присягайис, дусттвелдис, хъара сури сурис ирцIан кумакис. Ме инсанари ахиран эл алмедегьен гагьди ухIуне илдешар, ватанагьлибур, дузвел. Мебурин зурбавелдин гьунарар чин ухIасе. Дагъусттандин МВД-йин пешакурарис йиркIурастти  пас кканде чугъсагъул мебурин, кардис вафалувелди, зурбавелдина игитвелдин гьунарарис яхI-намус хъай кар акьубас. Хъара мубарак акьас кканде чве  кардин пешакурарис хIаягъ. Сагъвелар ачухъвелар агалкьунар ппара хьурай чвахъ. Наиба Гасукаева