ЖДВ-йин хIаягъ э. Ме хIаягъахъ учин тариххъая.
СССР-ди ме ягъар кьафи 5-пе октябрьди -, акье пуна аяфи КIилди Советарин Республикайин военныбирин хIатти. Хабди, СССР андавагуна, 1996-пе исан19-пе июльди№1040 РФ-йин Президентин приказдилди, 2006-пе иса ме ягъ духIубаакьуне РФ-йинПрезидентин 31-пе майдин №596 приказилди. Ме прказдилди джалла Российский Федерацин военныбирин профессиональный хIаягъарна памятный датабур агваракьуна.
Ме хIаягъ аркьаяфе гьеме ягъа «День образования специализированных военных подразделений для охраны и эксплуатации железной дороги Санкт-Петербург — Москва». 
Мебирин девиз э: «Чаъалас садра алтухъ дава»( Никто лучше нас).
Ме войскабур гIайуйи садпе чеченский дегIвигI, Iудпе чеченский дегIвигI, Кадарский ущельйин операцигI(Афганистан), агьал СВО-йиъра ая мебур.
Сасра войскабуриъ суман, ме войскабуригIра гIаяхье Агъул райондин игит джигьилар.
Гьеме операци хъучучIу иса димари мисаъ аяфи, са вахтт гIатуна, агьалра мисаъ ая Агъул райондин Типигъарин хIурин Къулачарин Гасанов Разим Асимович.
Гасанов Разим Асимович хефе Типигъарин хIуриъ Къуулачарин Асиманра Мафинатан хулаъ 1981-пе исан 29- пе августи. 1984-пе иса мебур Старопольский крайдин Георгиевский раондиди ушуни (агьалра гьетисаъ яшамиш вея).
Разим махьтабиъ аягуна мегьрибанвел хъаяфи. Мебурин бабарис Почётный грамота ефе кирк иджи вардиш акьуная пуна. Махьтаб ккиркIугъилди, ме армиди ушуфе. Армиди вестти мис гьемишан кканефи учин ададал алве милицейский форма.
«Закесра милица хьасе!»- агъафи ми. Элистайиъ служит акьуна адегъилди, Разим Георгиевскдиъ полицейскийивелди кар акьас ушуне. 12 истти кар акьуне ми ме идарайиъ. Учи аркьа кар мусра багьана кидикIагъилди аркьафе. Мисаъ ме «Доска почёта»йик кей уйи.
2014-пе исан хаб, контракт хъитIуна, Ставропольский крайидин Железно-дорожный войскабириъ аяфе. Полициъ суман мисъра иджи кар аркьаяфе ме. Ме командир роты э. Российии Украинайиъ Специальный военный операци хъучучIугъилди, частуниъас гьикуна, ушуни тич; учил алчархье курар багьана кидикIагъилди аркьай, гьер джьре джевизар гъушуна ая: Жукован медаль, хъара 3 сасра медаляра гъушуна ая. Мин ишкил частунин «Доска почёта» йик кея . Тидас адина, са хубджи гагьди Разима чиппин частуниъ СВО-йиди вес хезур веяттарис дарсар киланди, кар ягIар аркьаяф и. Агьал хаб СВОйиъ командировкайиъ ая. Мебирин вазифа: дегIвиъ аяттарис лазим иде задар, Iэлеф хъучакьуб э. Хъара мебурин войскабири арчIу мугIарна рекъер батIар аркьа.
Зун замин э Разима мусра четин э пуна учис акье пе лазим кар, хаб дачукIуна акьасе.
Мишттин эскерар хъай хье хIуькуматди гъалибвел гъушанасе.
Тамам Рамазанова
