Дагъусттандин Правительствойин Председатель Магомед Рамазанов тталат ягъа, 17-пе ноябрьди, кардин рекъуьас гьучархьуне Российин ЖКХ-йинра строительствойин министр Ирек Файзуллинахъай. Мебур гъургъуне хьидин хатIабурин зарар хьу инсанарис ирцIан кумакихъас, ахъу джигагьар цIае акьуна, регион хьидинра Iурдин гьавайихъди хIезур акьубахъас. КьацIра хулар хъундаваттарихъас гъургъагуна Магомед Рамазанова кIвал акьуне мишттин хизанарис гьалдис 345 хулан сертификатар йиная пуна.

«Кар давам аркьая. Ппара кканде гьер са хизан вахттуни чиппис ирцIан кумакин эесси хьуна дузди Iуьмурдин рекъуьъ архьуб. Ме вазифа хье Президент Владимир Владимирович Путина йинаф э хьес, дехIела хьин ме кар джурайи кIилира файшуна кканде», - пуне республикайин кабминдин хIатти.
Ирек Файзуллина хъуттурфуне Дагъусттандин хулар гъадивубан кьайдабурихъ.
«Хьин гъавурдиъ ай кканде, региондин аваданвел Iари хулар гъадивубалас дава асуллу вереф, нсанарис батIар рекъера, кканегъилди ишламиш аркьа хьедра, кьадми Iеквара, гьалдин цIае коммунальная инфраструктурабура кканде. Гьемиштти идегуна «Инфраструктура для жизни» агъа национальный проект арайил акьуб кIилди ахттармиш акьуне», - пуне ахирахъди Рамазанова.
Ме суалар хIел акьубахъ лап цIуппи хъучавей ая Дагъусттандин хIаф Федор Щукин.


Салихат Малагусейнова