Дагъусттандин премьер министр Магомед Рамазанов ушуне кардин рекъуьас РД-йин Минцифрайин идарайиди ягIарвелар акьас. 

Гьемисаъ Магомед Рамазанов кьабул акьуне Минцифрайин хIаттин врио Юрий Гамзатова. 

Сифтта Юрий Гамзатова ахъакьуне премьер министрдис идарайиъ 2023-пе иса акьуная батIарвелдин курарихъас. Ме курар акьас мункинвел хьуне арайил акьуная "Развитие информационного общества" агъа госпрограммайилди. 

Хъара Гамзатова кIвал акьуне 2022-пе иса гьеме идарайиъ ачмиш акьу Дагъусттандин хIаттин Ситуационный центрдихъас. Министерствойин идарайихъди ачмиш акьуная гьалдин заманайин форматин офисра. Мисаъ кар аркьая пешакурарис акьуная ачухъвелар, ая конференц-зал 30 касдисдегьен, хъара ая компетенцин центр. 

Мисаъ арайил аркьа мегIракабур, семенарар, гьучархьа республикайина муниципалитетарин хIа гьулар, кар ай адиная джемеIетис мункинвел ая электронная государственная услуга арайил акьас. Гьемисаъ ягIарвелар аркьа мукьуйиъ Магомед Рамазанова идже кьимат йине министерствойис мисаъ акьуная ачухъвеларис пешакурарис акьуная ачухъвеларис. 

Хабди Правительствойин Председатель гъургъуне министерствойиъ кар аркьая пешакурарихъай, фикир йине мебурин суаларис региондиъ цифровизаци авадан акьубахъас. Ахира Магомед Рамазанова файшуне совещани Дагъусттандин Министерство информацинра печатин цифровой аваданвелдин Министерствойин идарайиъ герек иде суаларихъас.

Наиба Гасукаева