27-пе июльди, Дагъусттан Республикайин Правительствойин Председатель Магомед Рамазанов Москвайиъ кардин рекъуьас гьучархьуне Москва шагьурдин мэрдин заместитель Петр Бирюковахъай, жилищно-коммунальное хозяйствойинра благоустройствойин суаларихъас. Iудара багвар гъургъуне гьава мартабабурин хуларин кар арайил акьубан рекъуьъ, хIуькуматин меркезин таджриба ишламиш акьубан мугьлатихъас, цифровизация акьубахъас, кьимат ирцIан кIеджар сад акьуна закатин пул завал акьуб вартт акьас. МегIрака дархъай Магомед Рамазанова РД-йин хIаттин врио Федор Щукинан салам-дуьгIебур йина хъара хъучихьуне, Москва ахттигьар фай хIисаб аркьа пуне садпе мукьуйиъ ая пуна ЖКХ-йин кардин иджвелиас. «Дагъусттандис ЖКХ-йин рекъуьн модернизация ке лазим курарикес сад э. Чин гъавурдиъ ая, цифровизацияна гьалдин цIаевелар хъудавай джемеIетин Iуьмурдин шартIарин иджвел алтухъ акьас хьасттава. Гьеме кар бадалди час хъара лазим э чве таджриба ягIар акьуб, фиштти чун арайил аркьайчин ЖКХ-йин курар: кьимат гъушубан кIеджар сад акьуб, закат завал акьуб, жилищно-коммунальный комплексдин процесс цифровизироват акьуб. Зе хъугъуб хъая Москвайиъ ишламиш аркьая ке иджвелин курар, арайил акьас хьасе Дагъусттандиъра, республикайин хIелдихъ хъуттурфуна бицIи – цIури духIубавелар гIачихьучира», - пуне Магомед Рамазанова. Гьучархьубарин ахирахъди Iудар багвари икьрар акьуне хъай кар акьасе пуна, хъара Москвайин практикайиъ ке идже механизмар ЖКХ-йин рекъуьъ, Дагъусттандиъра ишламиш акьасе пуна. Ме мегIракайигI хъара ишттарак акьуне Дагъусттан Республикайин Правительствойин Председательдин вриойин заместитель Валентин Клока, РД-йин ЖКХ-йин архитектурайинра строительствойин министрдин врио Анвар Шамиловара   Салихат Малагусейнова