Культурайин гьалдис ерхьид земский пешакурар Дагъусттандин муниципалитетариъ курарил алийиная. Ме кар бадалди 28-пе ноябрьди Дагъусттандин Правительствойин Председатель Абдулмуслим Абдулмуслимова РД-йин культурайин министр Зарема Бутаевайихъай гьучархьуне.
МегIракайил культурайин рекъуьъ 2025-пе исан йицIу вазалан арайиъ акьу курарихъас гъургъуне. Гьер суаларис улра йирхIуне: искусствойин, кинематографин, хъара РД-йин хIаф Сергей Меликован кIилдин буюрмишаринра.
Зарема Бутаевайи пугъилди, ме ис Ватандин хIа дегIвиъ Гъалибвелдин 80-цIурпе исанфна ватан ухIа эскераринф и. Гьеме курар фикирдиъ ай республикайиъ лап хIа мегIракабурна вакъиабур кIили файшуне. МебуригI гIая республикайин театрыбуриъ агвар акьу премьерабур, выставочный проектар, концертин программабур хъара джуре тамашабура. Вере ис РФ-дин Президент Владимир Путинан икьрарилди Российин халкьарин садвелдис бахш акьунаф э. Кьастт — ппара миллатарин халкь сад акьуна, мебурин джуреба — джуре культурана гIедатар афухIуб э. 2026-пе иса Минкультурайин кар асуллу хьасе исас йи ттуранилас. ЯгIайин ягъа арайил аркьая ме курарин мегIракабурин план.
МисагI гIахьасе кIилди культтурайин мегIракабур. Хъара гIахьасе кьасусттира юбилейдис арайил акьу мегIракабурна проектара. Мебури агвар акьасе Российин миллатарин арайиъ ая садвелна, дусттвелра», — пуне культурайин министрди. КIилдингъилди ахъакьуне Зарема Бутаевайи 2025-пе иса арайил акьу федеральный программабуринра нацпроектарин курарихъас.
Гьемиштти Дагъусттандиъ «Семья» агъа нацпроектин рамкабуриъ ай арайил аркьа «Семейные ценности, инфраструктура, культура» агъа региональный проект. Ме иса проектин буджетиъ 234 млн манат ая, сасра исас мин кьадар алтухъ акьас фикирдиъ ая миллиард манатихъди рукьуна. Але иса республикайиъ акьуне хьибуд модельный библиотекабур, Махачкала шагьурдиъна Казбековский райондиъ. Российин культурайин министерствойи разивел йиная гьемишттин библиотекабур ерхьид хъара дахъас.
Хъара ме иса давам акьуне муниципальный образованибурин библиотекабурин, дом культурабурин, культурно-просветительский центрабурин капитальный ремонтарин курара. ЦIае кар ме иса республикайиъ хьуне «Земский работник культуры» агъа программа арайил акьуб. Ме иса ерхьи пешакардис чиппин пешабур джикIине, Ботлихский, Дербентский, Кизлярский, Лакский районариъ. 2026-пе иса фикирдиъ ая гьеме программайилди кардин эессибур акьас хъара цIеерхьи пешакар сара. «Культура малой Родины» агъа проекти кумак аркьа бицIи шагьурарин театрыбурисна дом культурабурис лазим иде деликар хъучартас. Чишна бадалди пучин, ме курар акьуне ттиъ Казбековский, Хивский районарин Дом культурабуриъ. КIилди ахиран исари гьемиштти арайил акьас хьуная гIуьфцIурарихъ хъучархьуна муниципальный образованибурин Дом культурабур.
«Кар кIили гъа чин гьемишттин планилди: сагелай нацпроектилди аркьа дом культурабурин капитальный ремонтар, хабди «Культура малой родины» агъа программайилди хъучарта лазим иде деликар. Мебур э Iекварин, макьамарин, деликар, аликIа кунар, хъара джуре задара. ХIурин мукьарин пешакурарин кардис лазим идедегьен иджвелин шартIар чин арайил аркьа», — ахъакьуне Зарема Бутаевайи.
Министрди хъара ахъакьуне «Культура — детям Дагестана» агъа проектин рамкабуриъ ай арайил аркьая мегIракабурихъасра. Абдулмуслим Абдулмуслимова чугъсагъул пуне Зарема Бутаевайис, ме аркьая кардихъас, 2026-пе исан планара агвар акьуне. ХIайи фикир, премьер-министрди йине Российин миллатарин чIалан хIаягъ акьубан мегIракабурин суалис. КIвал акьасе РФ-дин Президент Владимир Владимирович Путинан икьрарилди ме ягъ къаршиламиш акьасе гьер исан муядпе сентябрьди, Дагъусттандин зурба шаир Расул Гамзатован ху ягъа.
Салихат Малагусейнова
