Дагъусттандиъ 2-пе майдихъас 5-пе майдисттегьен хьасе «Каспий — берега дружбы» агъа джалла миллатарин гIедатарин фестиваль. Ме фестиваль арайил акьунаф э «Культурное достояние» агъа центрди Российин Министерства культурайин майил хъай.

Ишттарак акьуне Дагъусттандин Министерство культурайира, Республикайин дом народного творчествайира, Махачкалайинра Касписк шагьурарин администрацибурира хъара культурайин управленира. Ме проектин рамкабурилди авадан акьас кканди ая гьер милатарин культура, хабди цIуппе хьуна нуьхIуьбат хьас милатарин арайиъ. Чиппик кея пешабур мисаъ агвар акьасе творческий коллективари, милатарин ансамбляри хъара иш пешабур кея усттабури гьер республикабуриас: Казахстан, Туркменистан, Азербайджан, Калмыкия, Северная Осетия-Алания, Чеченская Республика, Ставропольский край, Астраханская областиасра, хъара гIулар кьабул аркьая Дагъустандиасра. ГIедатар агвар аркьа майданар дахъасе Каспийскна Махачкала шагьурариъ.
«Каспий — берега дружбы» агъа фестивалин программайилди мисаъ хьасе: концертар, ишкилар йирхIубан выставка, «Герои России» агъа ишкиларин выставка, гIедатарин мегIракабур хъара джаллабурис ккане пагьливанара. Хабди хьасе «Мир традиций» агъа концертра. Ппара фикир йиная гъилин пешайин искусство ухIубасра. 3-пе майдина 4-пе майди дахъасе выставка гьер джуре гъилин пешайин устабурин акьу шейэр агвар аркьай. Акьасе мастер-классар чиппик кея гъилин пеша агвар аркьай: цIибцIун шейэр аркьай, кIураникесна рукьакес фипур аркьайчин агвар акьасе, кьвадилкьванар домашникар рухайра агвар акьасе. КкиркIвасе фестиваль Махачкалайиъ Сулейман Стальскийдин ттур але бульвариъ, мисаъ хьасе ватанперасвелдин программайин «Мы вместе — Россия!» агъа концерт.
Ахирахъди са сценайил завал хьасе джалла творческий коллективара мегIнибур аркьаттара Дагъусттандиасра Российин регионариасра сасра хIуькуматариасра. Милди мебури агвар акьасе чиппин гуджлувелна садвел садсайихъай. ХIуьлмат хъай, Республикайин Дом народного творчествара Дагъусттандин культурайин министерство.

Батитай Габибулаева