Махачкалайиъ РД-йин информацинра печатин Агентствойин 2025- пе исан итоговая коллегия кIили файшуне. Ке удигьастти РД-йин Главайин Администрацинра Правительствойин хIаттин заместитель, прессслужбайинра информационная политикайин Управленин вакил, Рашид Акавова кIвал акьуне, РД-йин информацинра печатин Агентствойихъ иде — даваттарихъас хабар акьуна, кар арайил акьас хъая потенциалдихъас.
«Са читинвеларихъра хъуттудурфуна лап хIа агалкьунарилди хIел акьуна арайил аркьа мебури чиппин удигь агьийи суаларна, курар. Лап гьемиштти Агентствойира файшуне ппара къекъе, читин СМИ-бурин реформа. Ме карди ппара суаларна фикирар арайил акьуне. Ме реформайихъай кар аркьая творческий пешакурарис важибар вартт акьуб бадалди. «ЦIае проектар арайил акьубарис майил ирцIанде, мисагI гIачархьа «Zащитник» агъа журналра. Амма кар акьуна кканди ая хьин адихьа печатная продукция авадан акьубан рекъуьъра, хъара электронный ресурсара ишламиш аркьай», — пуне Рашид Акавова.
Информацинра печатин Агентствойин коллегин отчетин докладин рамкабуриъ ай, ме ведомствойин хIатти Арсен Юсупова ахъакьуне лап хIайи кIили файшу Дагъусттандин Медиаотрасльдин трансформацихъас.
Дагъусттан Республикайин информацинра печатин Агентствойи 2025-пе иса хIуькуматин СМИ-бурин хIа реформа арайил акьуна ккиркIуне. Ме мегIрака арайил акьас хъучучIуна уйиф ГБУ «Этномедиахолдинг «Дагестандиъ» джалла миллатарин газитар са усал акьубан садпе этапин рамкабуриъ ай 2023-пе иса и. Арайил акьуная цIае идара — ГАУ РД «Дагмедиа» агъаф — Iуьрус чIалалди адихьа изданибуринф. МисагI гIачархьа «Дагестанская правда», «Молодёжь Дагестана», «Орлёнок» агъа газитар, СВО-йин ишттаракчибурисна гебурин хизанарис майил бадалди арайил акьу военно-патриотический «Zащитник» агъа журнал, хъара»Дагестан» агъа журналра. Республикайин информационный ке хIа ресурс иде РИА «Дагестан», АНО «Институт новых медиа» агъаттихъай цIуьппе хьуная.
Дагинформдин хIатти пугъилди, гьал АНО «Институт новых медиайи» Iари средство массовой информацин функция гъасттава, хъара информационный исследованибурин, аналитикайин, мониторингдин, терроризмдинра экстремизмдин информационный центр хьасе микес. 2025-пе иса АНО-йин рекъуьас адихьуна уй СВОйин игитарихъас садпе анимационный кинобура: Айдемир Исмаиловахъасна Магомед Магомедовахъас. Печатин отрасль гьал са усал акьуная «Даггосиздат» агъай цIае учрежденин эгидойикк. Ме идарайи сад акьуне китабарин активар, училди гъушуна газитарин подписка, кIилин республикайин джемеIетихъди рукьас акьуб джалла периодари. Iу этапин реформана ме отрасльдин структурайин оптимизация багьна хьуна садпе этапиъ госучрежденибурин сан чIукь хьуне, къана ерийилас цIигIуьфуйилдегьен, хъара хабди цIигIуьфуйилас гIуьфу холдинг дегьен. Ахир кIил: дагъусттандин медиабур мегIнайинра кьадмивелдинра цIае дузламайиди агъучIуная. Дагъусттандин СМИ-бур миллатарин чIалар ухIубанра госпрограммабур арайил акьубан мегIракабурин ке хIа ишттаракчибур хьасе. Хье республикайин хIаф Сергей Меликован фикирдилдина ниятилди арайил акьуна тасттикь акьуная «Сохранение, изучение и развитие государственных языков Республики Дагестан» агъа государственная программа (постановление Правительства РД № 359 от 20 ноября 2025 г.). Ме кIеджу сад аркьа хье региондин джалла миллатарин хе чIаларна гIедатар ухIубан рекъуьъ инсанарин загьмат, гIилми, ягIарвелна алучIубра.
Салихат Малагусейнова
