Ме юбилейдин мегIрака кIилди хIуькуматин лай икь, машгьур ансамбль Лезгинкайин сагълугъдиас и. МегIракайис ттур йине — «Мир сквозь танец! Нам 65!». Мебурин хIаягъахъди ишттарак акьас адине ттур ая гIулар — Н.С. Надеждинайин ттуранихъ хъая ансамбль «Березка», Iуьрус миллатин джемеIетин, М.Е. Пятницкийдин ттуранихъ хъая хор, хъара Московский государственный академический театр танца «Гжель». Артистари чиппин «Золотой фондуниас» ке идже номерар агвар акьуне. Мебур кидавай хъара лихъунарин цIае композицибура агвар акьуне. Гьемиштти, «Гжель» агъа лихъунарин театрдихъай са усал арайил акьу композицийи хъара Iайи агвар акьуне джалла миллатарин арайиъ ансамбль Лезгинкайин гьававел. Ансамбльдин пешакурарис ме ягъ мубарак акьуне хье хIуькуматин Президент Владимир Путина: «Нубарак хьурай чвас чве пешайин ерхьцIурна хIуьфу исан хIаягъ. Ппара шад э, чвелди чве хIададари йи пеша, учин гIедатар, кьайдабура хъай чун афухIуна, халкьарис агвар акьуна, нандиъ кканчира магьшур аркьа хье гьер джуьра миллатар къвал къвалуъ ай дусттвелилди яшамиш вере Ватан. Ке хIа хIуьлмат рукьа Украинайиъ специальный военный операциъ ая аскерарис, Донбасдиъ яшамиш вере джемеIетис агвар аркьа концертин программабурис. Чвахъ хъара гIа агалкьунар хьурай чве кардин рекъуьъ, кар акьас сагъвелара йирай. Хъара мубарак акьурай чвас ме юбилейдин хIаягъ!».
Салихат Малагусейнова