ГIилмин идарабурин хIа гьулари студентарис хIаягъ мубарак акьуне Дагъусттандин студентарис хIаягъ мубарак акьуне ДГУ-йин ректорди Муртазали Рабаданова: ХIулматлу студентар! Мубарак акьурай чвас чве хIаягъ! Чун Дагъусттандин давамлу э. Гьеме чвас йиная гIилмин дарсарикес чве Iуьмурдис муфеIет хьурай, чвакес зурба пешакурар хьурай ватанперасвел хъай тIуршаттар хьурай, идже дусттар хьурай чвахъ.
ДГМУ-йин ректорди Висампаша Ханалиева мубарак акьуне: «Чун чвас гIаттиву рекъ ппара загьматинф э, хабди йиркIфай кар акьуна кканде. Чвас йиная гIилмикес чвас муфеIет хьурай, чве гъилар — хъугъуб хъай хьурай, чве йиркIвар — Iегвалвел хъай хьурай. Чвас кьуват йирай, чве пешакардин рекъ ачухъ хьурай».
ДГПУ-йин ректорди Нариман Асваровара учин багухъасра мубарак акьуне студентарис: «Чве гIилмин ягIарвел, кардин гIешкъ хIуькуматис лазим э. Чве фикирар, йиркIураъ ая курар бегьем хьурай. Ачухъ йиркIвар, элхъен хъуьсубур, джандин сагъвел кам дахьурай чве. Чвас гIилмин дарсар йи усахъасра идже хиялар дала идилгурай чве йиркIвариъ. Хабди шиниккварихъай кар акьас мункинвелра йирай чвас».
ДГТУ-йин ректорди Назим Баламирзоевара студентарис насихIетин чIалар пуне хIаягъан ягъа: «Чун хабзаманайин инженерар э, хIуькуматин технологибур авадан акьуб бадала. Чвахъ зурба фикирар хьурай, чве проектар — агалкьунар хъаттар хьурай. Хъара хьудегьен гIилми вартт хьурай, хъара цIае фикирара йирай чвас».
ДагГАУ-йин ректордин врио Шихрагим Кутаевара мубарак акьуне студентарис: «Чве пешакарвел — хIуькуматин сурсатарин хатIасузвелдин бина э. ЦIае Iемалар ягIар акье, хье тIабиIетра ухI. Чвахъ сурсатарин гIилмин девлет хьурай, цIае проектар хьурай хабди хье ватандис муфеIет вереттар хьурай».
ДГУНХ-йин ректорди Ахмед Бучаевара мубарак акьуне: «Чун — хабзаманайин хIекимар э, экономистар э, финансистар э, чвалас асуллу э хье республикайин аваданвел. Чве студентвелдин исар Iаре гIилми ягIар аркьаттар дахьурай, чве хасият цIуьппе аркьаттар хьурай, фикирара дузвелдинттар хьурай. Сагъвел хьурай чвахъ чве Iуьмурдин рекъ кIили гъас».
