Ме мегIрака кIили файшуне НАК-дин председатель, Российин ФСБ-йин Директор Александр Бортникова. Мисал гъургъуне СКФО-йин муниципалитетариъ джигьиларихъай кар акьубан суаларин иджвелихъас.

Александр Бортникова ахъакьуне батIарди профилактика гъай кар акьубалас асуллу ий огругдиъ чIукь хьуная пуна террористический рекъуьн нехIс курарна шулугъар.

Региондин информационный кардин рекъ ухIубра алтухъ хьуная. Исан сифтта кIилилас хъикIуная 4 агъзуралас вартт терроризмдин идеологибурна межнациональный конфликтар провоцироват аркьа ресурсар.
Ме кар кидавай, сур махьтабариъ вахттуни хаб йирхIас акьуне шиникквар герек адава кураригI гIачадивуб. Гьал ягъ - ягъалас алтухъ ве джигьилар ватанперасвелдин, культурайин, хъара волонтерарин проектарин кураригIди гIачихьуб. Гьемиштти ичира проппагандана вербовка сакин вейдава.
Бортникован чIаларилди, гьалдинхабра ппара фикир йина алгъузуна ккандея джигьиларин курарил мебур чIире рекъериас давес. Шиниккварин тарбия дуз рекъуьнф хьас удигь кIил акьуна махьтабариъ ая мегIелимарисра ягIай кканде мебур хъучадивас чиппихъди.
Мебурин пешакарвелдиласра ппара асуллу э шиниккварин тарбия, тIул-тIебегIет, мебурин дуз рекъ.
МегIракайин ахирахъди лазим иде кьайдабур арайил акьуне СКФО-йин джигьиларихъай кар акьубан.

Салихат Малагусейнова