"ХIуьлматлу школьникар, студентар, мегIелимар, дадар - бабар! 

Мубарак хьурай чвас ме гIилмин Ягъ, дарсарин цIае ис! Садпе сентябрь - гьер са инсандин Iуьмурдиъ лап хIа тамашин ягъ э. Махьтабиъ хураттарис хъучучIа дарсаринра хулан курарин вахтт хъучучIуне. 

Студентарис хурубан цIае ис - мебур кIилихъди гIучIасе гIилмигIна пешайин ягIарвелдигI. Дадар бабар ахъутIуна ахьасе мебурин агалкьунарил шадвелар акьас.

МегIелимарихъас гъургъучин - мебурис мугьлат хьасе чиппин ягIарвел шиниккварилди фачиланди мебурин зигьин гъадивай мебурис чиппин таджриба йис. Садпе сентябрьди раккар дахъуне гIуьфуд цIае махьтабари: Хасавюрт шагьурдиъ (1150 шиникквдис мукь ай), Кизилюрт шагьурдиъ (150 шиникквдис мукь ай), Хасавюртовский райондин Пятилетка агъа хIуриъ (300 шиникквдис мукь ай), Байрамаулдиъ (604 шиникквдис мукь ай), Карабудахкентский райондин Какамахи агъа хIуриъра (220 шиникквдис мукь ай).

КIилди ме иса махьтабиди ушуне Дагъусттандин 490 агъзур шиниккв, мебурикес 46 агъзур садпе классиди. Республикайиъ ягIайин ягъанис ке лазим иде курарикес сад э хье кегъая несиларис гьер багулин ягIарвел багу акьас къуллай шартIар арайил акьуб. гIилмин идарабурин капремонтар акьуб, мисариъ лазим иде гьалдин цIае деликар арайил акьуб.

Мебур кIилди арайил акьас хьасе хьин джалла сад хьуна диву загьматилди, хъара Дагъусттанди "Молодежь и дети", "Семья" агъа нацпроектаригI ишттарак акьубалди. Чугъсагъулдин чIалар э ме ягъа - джалла мегIелимарис, тарбия ирцIанттарис, республикайин джалла гIилмин идарабурин пешакурарис. Чве кардин загьматиласна пешакарвелдилас асуллу э фишттин ягIарвел, агалкьун хъахьас ичин багайин ягъа шиниккварихъ, фишттин дараджабур хъахьасчин мебурихъ. Чвехъ джаллабурихъ джандин сагъвел, камаллувелна зигьин, хъа хьурай, хье джигьил несилар - гIилмийи гIан ацIуна, ватанперасвел хъай, Дагъусттандин, кIилди Российин аваданвелдис муфеIет кей хIа ве реттар хьурай. 

Ачухъ, шад рекъ йирай чвас!", - пуне Федор Щукина.