"Зе матлаб э Дагъусттандиъ джалла рекъерин проектар арайил акьуб. ИдехIела ме кардин ке герек суал хьунекардин рекъуас хье Дагъусттандиди ади, ФКУ Упрдор «Кавказдин» хIаттихъай Александр Лукашукахъай гьучархьу усаъ. Ппара фикир йине – Дербентихъас, Хасавюртихъас, Махачкалайихъас хъуруцуна вере гьалдин цIае рекъерис. Хасавюртихъас хъуруца рекъуьн манзили 21 километр алтивая къакъ ке Iайи машин ппара ая рекъун манзилилас Р-217. Ме курар ккиркIвас йиркIураъ ая 2028-пе иса. Дербентихъас хъуруца рекъуьл кар аркьая 781 инсан хъара 437 техникара. Ме цIае якьу полосайин рекъуь мункинвел йисе хIа машинар шагьурдиди гIачудушуна хъуруцуна вес. Ме кар рекъуъ ая машинарин сакинвелра э. Гьеме джуре хъара сасра проектара хъара арайил акьасе, дагъустанагьлибурисна ади гIуларис шинихIвел хьуб бадала", - пуне Федор Щукина.