Федор Щукин: «Зун уч хIа хьуф э мегIелимарин хизандиъ - зе баба 50 истти кар акьуфе мегIелимвелди русский литературайин дарс ирцIанди. 

ИдехIела зун джаллабуриласра иджи гъавурдиъ ая чве кардин джафайин. 

Гьеме кардин гъавурдиъ ай зас хье Дагъусттандиъ акьас ккандея система, мегIелимди кар аркьадегьен шавла давей, хьдегьен гIешкъ верегъилди учин кардин, шиниккварис махьтабариъ гьалдин заманайин ачухъвел ай дарсар хурас, идже агалкьунар верегъилди хъуттудурфуна шагьурдиъ хураяттарчира яра хIурариъ.

 ЯгIайин ягъа Дагъусттандиъ джалла багварихъ курар аркьая: хьидин угъалари аккевес акьу махьтабар ккегъдивая, цIае махьтабар дархъая, аяттариъ ремонтар аркьая. Гьеме джалла курар хьин аркьаяф акьуне пас дава, багайин ягъа хье шиниккварис идже хьурай пуна э. Хьин хье шиникквара хIа акьуна кканде ватанперасвел хъай, хье тарихна гIедатар ягIай. Гьеме кардинра лап хIа вазифа алдея мегIелимдил. Гьеме джалла Дагъусттандин гIилмин курар авадан акьас ккея суаларихъас гъургъуне гьеме совещанил. Чве джаллабурин, гьеме гIилмин кардис кIил йирхIудегьенттарин, джандин сагъвел хьурай чве шиниккварихъ ацIуна агалкьунар хьурай. Чугъсагъул чвас чве кардин джафайихъас».