"Хьибудпе сентябрь – хье ватанагьлибур джалла сад вере ягъ э, террористарин зулумди джигьил Iуьмурар гулу инсанарихъас фикир ухIуб бадалди.

Хьин гъам аркьа тахсир кидавай Iуьмурар ккиркIуттарин, хIа хIулмат хъай кIвал аркьа ахир нафас хьасттегьен ватандин хатIасузвелна сакинвел ухIай гъузана уйттар. Бесландиъ, Будённовскдиъ, Буйнакскдиъ, Волгодонскдиъ, Первомайскдиъ, Москвайиъ, Санкт-Петербургдиъ, Волгограддиъ, Владикавказдиъ, Дербентиъ, Махачкалайиъ хъара Российин джуре шагьурариъра хьу зулматин курар лап къекъе страницабур хьуне хье хIуькуматин тарихдиъ. Мебурихъ гьер сайихъ хъая нубат алдай фаттиву Iуьмурар, хум гьатас давере къакъар хъая, терроризмди кIилин Iуьмур духIуба акьу хизанар. КIиттарин фикирди хье вазифа аркьа гьалдин хабра гьемишттин гIанабагулин душмандин удигь гъузуб. Дагъусттандис, терроризмдихъай дивая дженгунин мегIна джурайи хIа э. Республикайилас исар алайшуне террористарин Iайвел киркьвай шагьураринра хIурарин Iуьмурарис, сакин инсанарин, мебурин иджвелил алгъузуттаринра Iуьмурар фаттивай. Час кьимат ягIа правоохранительный органарин пешакураринра эскерарин, хъара чиппин ватандин удигь бурдж ирцIанди кIиттаринра гьунарлувелдин. Терроризмдин кьастт э джемеIетин садвел тарг акьуб, миллатаринра динарин арайиъ къал ихьуб, мебурин сур сурихъас эхIттиб хъадихьуб. Гьемиштти идегуна хье джаллабурин вазифа э – террористарин идеологибурис акси гъузуб, миллатарин арайиъ сакинвел ухIуб, хье джигьил несилдин тарбия дуз рекъуьъ ихьуна мебурис экстремизмдин Iайвеликес хабар акьуб. ЯгIа хье хIуькуматин удигь хIел акьуна ккане цIае суалар гьая вегIдайи, хъара ппара лазим э садвел, сур сурин арайиъ майил, ватандин Iуьмурдихъас джувабдарвел ухIуб. Зун рази э правоохранительный органарин пешакурарил, эскерарил, чугъсагъул хьурай ватан ухIай джемеIетин Iуьмур авадан аркьадегьенттарис джаллабур. Хъара хIа баркаллагь хьурай чиппин загьматилди хье гIунар ухIай ватандин кьадмивел алтухъ аркьаттарисра. Зе хъугъуб хъая, хье сакинвелдина арайиъ ая нухIуьбат – хIуьлмати кумак акьасе гьалдинхабра зурбадалди ухIас Дагъусттанра кIилди Россияра гьер са хатIа – балайиккес. Iекве нур алдий илгурай терроризмди пуч акьу Iуьмурарихъас фикир. Абада фикир илгурай инсанарин йиркIвариъ Ватандин сакинвел ухIубан рекъуьъ Iуьмурар йи игитарихъас", - пуне Федор Щукина.   Салихат Малагусейнова