Москвайиъ гъургъуне Российин Федерацин Президентин багулив Дагъусттан Республикайин багухъас гьеммишанра фахьуна ккане Молодежный советин вакил арайил акьубахъас.

Дагъусттандин хlаттин врио Федор Щукинан буюрмишилди ме суал гьучихьуне мегlракайил. РД-йиас гьеме вакилин врио Руслан Нагиев дахъу йиркlуралди ахттилатар акьас гьучархьуне Дагъусттандин джигьиларихъай. Мегlракайигl хъара ишттарак акьуне хlуькуматин Думайин депутатари Энвер Набиевана Магомед Валихова. Ишттаракчибур гъургъуне Молодежный советин хабдин кардихъас, ме кардин ке лазим рекъерихъас, хъара Москвайиъ яшамиш вере дагъусттанагьли джигьиларихъай алакъайин мугьлатарихъасра. Джигьиларифас хьуне чиппин суалар алихьас федеральный парламентиъ республикайин вакиларис, чиппин фикирарихъас мебурис ахъакьуна чиппис гъам кея курар агвар акьас. Мебури мишттин гьучархьуб садпугелай э пуне вей, хъара мин мегlнара ппара хlа э пуне. Ме Молодежный советикес майдан хьасе джигьил дагъусттанагьлибур са усал завал аркьаф.

Салихат Малагусейнова