Ахиран ягъари хьес аргвая, фишттин гьавабур аячин дуньяйиъ. Джаллабурив фая телефонара, ая интернетар фи хабарар айчугас. ДехIела агьал джаллабурис ягIая Израильдинра Палесттинайин арайиъ ая курарихъас. Миштти идегуна, инсанара Iу багухъди пай ве, са ппараттари са багв дугъри э агъа, сасрабури джуре багв дуз э агъай, чаб чиппихъай гIахъас алучIа.
Ме кардихъас учин фикирар пуне Агъул райондин старейшинарин Советин Председательди Магомед Омарова. «Зун ппара пушмал э, агьал вея курар аргвай. Ппара Iайи гъутуная инсанар ме курар бадала. АцIуна хIуькуматарин инсанар айчIвая гьер джурейин митингар аркьай. Мишттин митингаригI дуздин багухъас гъургъаттар суман дуз даваттара гIаве, мертти инсанар алчикай фитна аркьаттар. ДехIела зас пас кканди ая джигьиларис, гьанахъ хьучира хъучамева пуна. Аркьа курар ппара фикир акьуна кканде, хабди пушмал даверегъилди. Пай акьуна ккандава инсанар миллатарилди, диндилди. Гьер усагI гъая чIирхIеттар суман идже инсанара. Ке удигь кIил акьуна гъургъас алучIуна кканде мезуралди. Ппара тIалаб э зе инсанарикес, дуз дава инсанарихъ хъучамева»,-пуне Магомед Омарова.
Луиза Гусукаева