ДГТУ-йин ГIелимарин советин икьрарилди Военный учебный центрдиъ дахъуная специальный военный операцин ишттаракчибур бадалди, Российин Федерацин Игитар – гвардин старший лейтенант Нурмагомед Гаджимагомедовасна генерал-лейтенант Эседулла Абачевас мебурин ттурарин аудиторибур.

Пилотар хъудавай алттвере апаратарин иде-даваттар ягIар аркьай связин хIезурвелар аркьа кабинет хъахьасе Нурмагомед Гаджимагомедован ттуранихъ.
Мин Игитвелдинра ватанперасвелдин чишна хье Ватан ухIас гьал кегъархьая несиларис Iекв алихьу рекъ хьасе.

Южный военный округдин, еридпе гвардин десантно-штурмовой дивизин полкунин командир, гвардин старший лейтенант Нурмагомед Гаджимагомедовас Российин Федерацин Президентин Указилди, 2022-пе исан 3-пе мартти ватандин удин учин бурдж ирцIан вегIдайи ме агвар акьу игитвел, идемивел, руьхIдин цIуппевел, гьунарлувел бадалди Российин Федерацин Игит агъа ттур йине (кIихаб).

Iудпе аудитория – общественный хIезурвеларин лекцибурин зал хъахьасе хатир ухIай генерал-лейтенант Эседулла Абачеван ттуранихъ.
Ме игити ишттарак акьуне дегIвин дженгеригI: армяно-азербайджанский конфликтигI, чеченарин Iудпе дегIвин кампанигI, 2008-пе иса Южная Осетин яракь фая конфликтигIра, хъара Сирин военный операцигIра.
Российин Федерацин Президентин Указилди, 2022-пе исан 4-пе июльди генерал-майор Эседулла Абачевас йине «Герой России» агъа ттур, зурба джуревелдин ишан иде джавиз «Золотая Звездара» хъай.

Гьеме ттурарин аудиторибурикес фикир ухIубан, курсантарис насихIет кьабул акьубан, мебурис Ватан ухIубан бурджунин кьимат ягIархьубанра ишан хьасе.

Ме кар игитарихъди Iари хIулматна хатир дава, хъара дарсара э: гьер са курсантис учин удигь, учин уларилди агвасе игитвелдинра гуджлувелдин чишна, мебурисра ягIай ахьасе хабди Ватан ухIубан рекъуьъ джувабдарвелна ватанперасвел.

Салихат Малагусейнова