Республикайин премьер-министр Абдулмуслим Абдулмуслимов кардин рекъуьас гьучархьуне Правительствойин агропромышленныйна экологический блокарин хIаттарихъай. Мисал гъургъуне тIабиIетин зарарин хабдин хIатIабурин суаларихъас. ХIурин магIишатин курарихъас, республикайин экологин мерттхьунихъас.

Дагъусттандин хIатти Сергей Меликова Правительствойин пешакурарис буюрмишар акьуне ме читинвелар алтухъ хатIабур хьастти дахи гьадихьуна арайил акье, инсанарис лазим иде кумакара рукьас акье пуна.

Гьеме хIа угъалари Аксайна Акташ агъа нецIвара чиппин мукьариас адихьуна алатуне. Ме кар бадалди Дагъусттандин Минприродайис премьер-министрдира тапшурмишар акьуне.

Кабминдин хIаттин чIаларилди мукьул вахттари арайил акьасе ме суалар хIел акьас федеральный бюджетиас фарта пулра. Арайил акьасе пуне хIа зарар хьу районарин курара, джалла ведомствобур сад хьуна.

Батитай Габибулаева