Дагъусттан Республикайин ке авалдин китабар адихьа издательство арайил акьуне 1925-пе исан 28-пе октябрьди, СНК ДАССР Постановленилди.

Учин надирвелдихъна пешакарвелдихъ хъуттурфуна, е хье хIуькуматиъ, е байирдин хIуькуматариъ михIелдис мин тай адава.

Мисаъ адихьа лап машгьур фагьумчибурин, гIелимарин, авалдин шаирарин макъалабур. Хъара Дагъусттандин миллатарин 14 чIалалди адабиятин китабара адихьа. Адихьа Iуьрус чIалан китабара. Мисаъ адихьа китабарин мегIна э ке удигь кIил акьуна ватанперасвел, хье миллатарин дусттвелна садвел.

Дагъусттандин издательствойин кардилас асуллу ий кIилдибурис машгьур хьуне Махмуд из Кахаб-Росо, Етим Эмин агъа шаирарин яратмишар, Омарла Батыраянра Ирчи Казакан шиирар, Гамзат Цадасайин, Сулейман Стальскийдин, Абуталиб Гафурован, Тагир Хрюгскийдин, Эфенди Капиеван Iекьуллу чIалар, Iешукьарин мегIнибурна назмубур, Дагъусттандин фольклорна эпосара. Кар аркьа мисаъ авалдин хаб къвал къвалуъ ай хье ватандин гьер миллатарин пешакурари: Шаирари, назумчибури, журналистари. МебуригI гIая СССР-дин печатин отличникара, РФ-дин, РДйин культурайин лайикьлу пешакурара. ЯгIара гьате авалдин вахттари суман ппара ухьтан, тамашин мегIна хъая китабар адихьай аме. Учра кам акьас давере пай э хье миллатарин культурайинра адабиатин.

Мубарак хьурай чвас ме зура ягъ че «Агъуларин Хабарар» газитин багухъасра! Чвахъ джанарин сагъвел, йиркIварин ачухъвел, руьхIдин кьуват хьурай гьалдин хабра ватан бадалди ме кардин рекъуьъ загьмат дивай, хIа агалкьунар къазамиш акьас.

Салихат Малагусейнова