2025-пе исан йицIу вазалан арайиъ Дагъусттандин гуьна багулин хайри Iудтти вартт хьуная. Вице-премьер — министр Заур Эминован хIавел алдий кIили файшуне гуьна багулин курарин иде — даваттарин бадала мегIрака.

Ме мегIракайил ахттилатар акьуне бюджетин хайир алтухъ хьубахъас, хIуькуматин къанунаригьас джинди лирханттарин кар ашкар акьуна экономикайигI гIачихьубарихъас. Иджвелихъди хьуная: — 2025-пе исан 10 вазалан арайиъ гуьна багулин муниципалитетари завал акьуная 4,4 млрд манат, ме хIисаб аркьа кIилди завал акьуна кканеттикес 170%.

— Удигь исан гьемишттин вахттунихъай гьучихьугуна, хайир алтухъ хьуная Iудтти. Мебур кидавай джуре курар дуз акьубарихъасра гъургъуне. ЕГРНдин сур учетариъ ая джигагьарин эессибур ягIар акьуб, хуларин иде — дава кIеджар дуз акьуб. Эминован чIаларилди, хайрлувел алтухъ акьубдузди асуллу э хуларин объектарин кардин системайин алакъайлас. ЕГРН-дин курар кьайдайиъ ахьуб — муниципалитетарин хайирлувелдин бина э. Миштти идехIела ме кардин рекъуьс лап хIа фикир йина кканде.

Хуларин объектарин кьайдабур:

— 2025-пе исан санаригI гIачихьуная гуьна багулин 8101 хуларин джигагьар.

— Мебурикес 2801 джигагьихъ михIелдис джувабдар эессибур хъудава.

— Мебур ягIар акьубан курар ккиркIвас вахтт ая — 2025-пе исан 1- пе декабрьдилдегьен.

МегIракайин ахирахъди Минимуществойин хIатти муниципалитетарикес тIалаб акьуне хъара батIарди кар акьуб. КIвал акьасе, гьеме южная зональная группа арайил акьуна уйф Дагъусттандин хIаттин тапшурмишилди и. Мин санаригI гIачархьа 12 муниципальный районар, хъара 2 шагьурарин округара.

Салихат Малагусейнова