Дагъусттандиъ ятум шиниккварин санар чIукь хьуная 30%-тин.

Абдурахман Махмудова республикайин Минтрудиъ лап хIа совещание кIили файшуне. Дагъусттандин Правительствойин Председательдин заместитель Абдурахман Махмудова хIа мегIрака акьуне Дагъусттандин Минтрудиъ. МисагI ишттарак акьуне подведомственный идарабурин хIаттарира.

Мисал ахъакьу ке лазим санар: Ахиран исарин арайиъ республикайиъ ятум – шиниккварин сан чIукь хьуная 30%-тин – ме э 927 инсан. Iари са 2026-пе исан арайиъ ме список чукь хьуная 208 инсандин. 2026-пе исан садпе сентябрь: Багу – кIиларин хизанариъ ухIая 2134 шиниккв; Ятум – шиниккварис арайил акьу идарабуриъ ая 68 шиниккв (15 ятумар, 53 дадра – бабра хъандаваттар). Абдурахман Махмудова тапшурмиш акьуне тегIде – хIелди ахттармишар ккиркIуна социальный ятум – шиникквар хизанариди гьикуб арайил акье пуна. Совещанил гъургъу джуре суалар: «Кадры», «Семья» агъа нацпроектар арайил акьуб – министр трудайин врио Магомедзагид Кихасурова ахъакьуне, ме мегIракабурил цIуппи алгъузубарихъас, миштти идегуна мебур арайил дакьуна амилгуб хьасттава пуне. «Социальный контракт» агъа проект ппара батIарди, кIилинди арайил аркьая, военнослужащибуринра мебурин хизанаринра ишттараквелра гIай. Цент занятостибурин модернизация – вице-премьердин ахттилатарилди джемеIет кардин эессибур акьубан суал садпе мукьуйил алдея республикайиъ. Министерствойис буюрмиш акьуная ме программа кьадмивел фай вахттуни арайил акье пуна. Центр занятостибурин хIаттарис – хъуьдуьхьу кардихъас Iари бюджетный идарабуриъ руцуна ккандава, индивидуальный предпринимателарин кураригIра руцуна кканде. Военнослужащибуринра мебурин хизанарин социальное обслуживание - Абдурахман Махмудова буюрмиш акьуне ме кардин рекъуьъ гъалатIар дахьурай пуна: «Мебурин читинвелар – хье джаллабурин читинвелар э, мебурин суалар хIеракатилди арайил аркьай кканде». Хъара мисал гъургъуне сур инсанарин категорибурис ирцIан ЖКУ-йин компенсацибурин выплатабурин, социальный пешакурарин кардин кьадмивелдин суаларихъас. Ахирахъди вице-премьерди чугъсагъулдин чIалар пуне идарайин пешакурарис сесаригI йиркIв фай ишттарак акьубахъас. ХIуькуматин ягIайин кьайдайис ппара лазим э пуне гьер са инсандин фикирна ният, хьин джаллабур багайин ягъан эессибур хьас. Салихат Малагусейнова