Iу агъзуралас вартт пешеходный переходар Дагъусттандиъ батIар акьуная миллатарин цIае стандартарилди.

Ме кардихъас рекъерин, улакьарин хатIасузвел ухIуб бадала арайил акьу РД-йин Правительственый комиссин мегIракайил хабар акьуне, Дагъусттандин рекъеринра улакьарин хозяйствойин садпе заместительди Магомед Тагирова.

2026-пе исан садпе кварталдихъ хъуттурфуна джилин переходарин сан 4236 э. Мебурикес гьалдис цIае акьуная – 2112. Махьтабаринра гIилмин джуре идарабурин багулигь гьаяттар ая – 1349, мебурикес – 1103 гьалдис цIае акьуная. Гьер муниципалитетариас гьику отчетарихъ хъуттурфуна махьтабаригьна джуре гIилмин идарабуригь гьая пешеходный переходар кIилди цIае акьуна ккиркIуная: ДагОгни, Дербент, Хасавюрт, Избербаш, Кизляр, Южно-Сухокумск шагьурариъ, Ахвахский, Ахтынский, Гумбетовский, Дербентский, Кайтагский, Кумторкалинский, Лакский, Левашинский, Сергокалинский, Унцукульский, Хасавюртовский, Ногайский, Кизилюртовский, Новолакский, Казбековский, Сулейман-Стальский хъара Кулинский районариъра.

«РФ-дин Президентин 2019-пе исан буюрмиш арайил акьуб кьастт ий, гьер иса республиканский бюджетиас, гьер мукьуйин самоуправленин идарабурис ачухъ аркьа субсидибур, рекъерин курарис майил хьас. Гьеме пуларин кьадар 2026-пе исас э 1,8 миллиард манат. Ме кидавай муниципальный рекъерин фондунин кьадара э 1,4 миллиард манат. Ме пул ишламиш акьас ве пешеходный переходар батIар акьас, рекъерна куьчабур батIар аркьа проектарин комплексдигI гIачихьуф суман, кIилдин пешеходный переходар батIар акьубарисра», — хабар акьуне Магомед Тагирова.

Салихат Малагусейнова