Миллатарин чIаларис ппара фикир ирцIанде. Дагъусттан республикайиъ арайил акьуная инновационное приложение. Ме акьунаф хье миллатарин чIалар афухIубас, мебур машгьур хьубас кумак хьурай пуна э. Дагъусттандин цифровой аваданвелдин Министерствойин хIатти агвар акьуне республикайин премьер-министрдис ме приложенин, интерактивный режимиъ материалар, печатный изданибур ахттармиш акьас вере функцибур.

Ме программайи мугьлат йисе гьер миллатин газитарин макъалабурил учин чIалалди йиркIв алиянас. «Оживление» агъа функция активироват акьуб бадала телефондин камера алийина ккан хьасе газитин лазим иде макъалайил. Миштти акьухаб ме программа ишламиш аркьа инсандис мумкинвел хьасе ме макъ алайил йиркIв алиянас, е дахьучин видеойиас хъуттурфас. Проектин презентация хьуне Российин Федерацин джуре хIуькуматарин курарин Министерствойин площадкайил. Мисал Дагъусттандин цифровой аваданвелдин министрди Юрий Гамзатова разработка агвар акьуне джемеIетис.

ЙиркIвариъ ухIуна кканде, ху чIалар ухIубан лазимвелдихъас Сергей Меликов гъургъуни учи Дагъусттандин парламентис гьикая обращениъра. Ме приложение гIачартас ве печатный изданибуриъ ихьу QR-кодарилди, хъара джикIес хьасе приложенибур ачика дуканариъра AppStore, RuStore.

Салихат Малагусейнова