Цулин вазалан садпе ягъа хье хIуькуматин кIилди мукьариъ хьуне гIилмин ягъ. Ме ягъас хIезурвелар аркьа мегIелимари, ма хьт а ба ри ди вея шиникквари, гьелбетта дадар бабара.

Гьер иса 1-пе сентябрьди садпе классиди вере шиникквари чиппин садпе кьадам ихьа гIилмин рекъуьъ. Мебурис ме ягъ шадттин гIекве ягъ э. Шиникквар махьтабариди кичаверегунас гIулин каникулари хIезур аркьа батIар акьуна махьтабар. Ахиран вахттари хье хIуькумати ппара фикир ирцIанде гьер регионариъ, шагьурариъ, районариъ, варха мукьарин хIурарин махьтабар батIар акьубас ачухъвелар алтухъ акьубас.

Хье хIуькуматиъ цIае хьуная программабурилдина проектарилди гьер иса ачмиш аркьа махьтабар.

Дагъусттандиъра гьер иса давам аркьа гIилмин идарабур батIар акьубан цIае идарабур ачмиш акьубан курар. Хье хIуькуматиъ мишттин курар кIилди бегьем аркьая Владимир Путинан фикирдилди адихьуная цIае «национальный» хъара «Демография» агъа национальный проектарилди э.

Ме иса гIилмин cадпе ягъа Дагъусттандиъ хьуне махьтабар ачмиш акьубан хIа марафон Сергей Меликов кIилиъ ай. Ишттарак акьуне мегIракайгI Правительствойин Председательди Абдулмуслим Абдулмуслимова. Ме ягъа республикайиъ ачмиш аьуне гIилмин объектар 20 махьтабар 7122 мукьуйинттар хъара Iуд садикара.

Ме мегIракайин рамкабуриъ Аб дулмуслим Абдулмуслимова кIвал акьуне Республикайиъ гIилмин идарабур ачмиш акьубан курар давам акьасе гьер иса. Миштти курар алтухъ хьудегьен мугьлат хьасе хурубар вартт акьас, мункинвел хьасе ачухъвелар алтухъ акьас.

Сергей Меликован чIаларилди гIилмин объектар алтухъ акьубалас асуллу э шиниккварин хурубар. Ахиран вахттари гъайшиная хура шиниккварин санар. Республикайиъ яшамиш вея шиниккварис лазимди ая гIилмин идарабур алтухъ акьуб. Мишттин курар Дагъусттандиъ давам акьасе хурая шиникварин шартIар алтухъ акьас гIилми гъадивас.

Ахирахъди Дагъусттандин хIатти чугъсаулдин чIалар пуне ме курар арайил аркьас кумак аркьая пешакурарис, хIа гьуларис.

Наибет Гасукаева