Дагъусттанди Iу агъзурна къана гIуьфудпе исан хьидин призывин план бегьем акьуне.
Ме кардихъас хабар акьуна уй Сергей Меликовас Республикайин призывной комиссинра региондин Оперативный штабинра Iударин гIая мегIракайл.
Региондин военный комиссарди Абдурахман Мурадханова хабар акьугъилди Вооруженный Силабурин джалгабуригIдинна джуре войскабуриди гьикуная 3730 инсан. Призывникари служит аркьа Российин Вооруженный Силабуриъ, мисагI гIая ВДВ, ВКС, Российин ФСБ-йин войскабур, хъара национальный гвардинра пограничный войскабура.
Призывной кампанин рамкабуриъ ке иджи кар акьуб агвар акьуне Махачкала, Каспийск, Хасавюр, Буйнакск, Дербент, Дагестанские Огни шагьурарин, Хасавюртовский, Новолакский, Буйнакский, Хунзахский, Кайтагский, Дахадаевский, Дербентский, Ахтынский, Рутульский, Докузпаринский, Сулейман-Стальский, Курахский, Тарумовский, Ногайский, Табасаранский, Казбековский, Гумбетовский, Лакский, Кулинский, Магарамкентский, Сергокалинский, Акушинский хъара Гунибский районари.
КIилди кIилди ахттармиш акьун хъуттурфуне сур районариъ ме кардин рекъуьас бадил хьу читинвеларихъ.
Сергей Меликова ме районарин военкоматарин кардигI специальный военный операцин ветеранарна «Доблесть гор» агъа программайин ишттаракчибур, «Память гор» агъа организацибур гIачихьуб гьучихьуне. Лазимвел айчин агвар акье пуне мебурис пешабура.
Ме кар кидавай республикайин хIатти гьучихьуне цIае кIилиластти ахттармиш акьуб районарин хIаттарин учебно-методический сборарин кьайдабур, хъара, цулин призыв хъучаверегунас батIарди хъуттурфен пуне военкомарин хIезурвеларихъра чиппин призывной кампанин кар арайил акьубахъди. Ме ппара чугъсагъуларин чIалар пуне хьидин призывин кар бегьем акьу районарис, гьалдин хабра иджвелихъди кар аркьубан рекъра агвар акьуне. Ахирахъди региондин хIатти фикир йине призывникарис хабар акьубан, мебур ая мукьра кIилин истти улик акьубан рекъуьъра кар акьуб ппара лазим идеф.
«Джалла районарин хIаттара военкомара хIезурди ай кканде исан нае вегIдайи хабар гъушучира отчет йис чиппи аркьая кардин», — пуне Сергей Меликова.
Ме курарин ахттилатар кидавай, хъара ме мегIракайил гъургъуне джигьилар военный училищебуриди, вузариди хурас учIубан рекъуьъра акьуна ккане информационноразъяснительный курарихъас.
Салихат Малагусейнова
