28-пе ноябрьдихъас 30-пе ноябрьдисттегьен Дагъусттандиъ хьасе медиабезопасностин «Цифровой Кавказ» агъа форум. Ме форумди саусал завал акьасе блогерар, журналистар, джемеIетин фикир ухIа инсанар, гьер идарабурин вакилар, хъара Северо-Кавказский федеральный округдин регионариас ади экстремизмдинра терроризмдин курарил алгъузу пешакурара.

Ме форумдин кьастт э — сагъилди хъучушуб медиабезопасностин курарихъ, авадан акьуб журналистикайин джувабдарвел хъай аркьа, дуздин рекъуьн фикир ухIагъилди гьалдин джигьилари. Садпе ягъа ме форумдин ишттаракчибурис акьасе тренингар, практический сессибур. Мебур пай акьасе гьер командабур акьуна, хабди гьертти чиппин проектар аркьагъил ди. Форумдин Iуьдпе ягъа мисаъ хьасе «Северный Кавказ и медиабезопасность XXI века» агъа пленарная сессия.

Сессин рамкабуриъ ай гъургъасе медиабезопасностин федеральный экспертар. Командабур завал акьасе гьер джуре регионарин вакиларикес, СКФО-йин регионарин ке ттур ая блогерарикес. Ме мегIрака арайил аркьаф хIуькуматин «Развитие средств массовой информации в Республике Дагестан» агъа программайин рамкабуриъ ай э.

Форум кIили гъаяф АНО РД «Институт развития медиа» э, Дагъусттандин информацинра печатин Агенствойин майилдилди.

Батитай Габибулаева