Российин МЧС-дин хIаттин Александр Куренкован буюрмишарилди ме зарар йиттарин кьадарар аттивас дахъуная оперштаб кIилиъ гъузуна мин заместитель Алексей Кострубицкий. Гьалдис кьабул акьуная 190 — 435 гIерза.
Муниципалитетариъра йиная зарарин кьимат аттивая 131 комисси 400 инсандикес. Гьер хулахъди вей гишттира кумак ирцIанди ая. ЯгIара 4 хIуриъ хьетигI гIаме 120 хал, 126 мехIсул уза хуппурар, хъара 6 рекъра.
4 муниципалитетиъ дуз аркьай аме Iеквар. 15 пунктуниъ вахттунилди арта мукьуйиъ ая 527 инсан, гебурикес 176 шиникквар э. Махачкалайиъ «Приморская» агъа подстанциасра, хъара «Пальмира» «Караман — 2» агъа микрорайонариас хьед аттузуная. Дербентский райондиъра адиная Донской спасательный центрдин группайи хъара гьегисан пожарноспасательный гарнизондин кумакилди хьеттар архьу усар мертт акьуная, кIенаъ экьу Iуьр гьативая, къирегъар цIуьппе аркьая, хлоркайилди дезинфекци аркьая махьтабарна хулара.
Хасавюртовский райондиъ кар аркьай ая Тульский спасательный группайи, хъара северо-кавказскийна южный региональный спасательный МЧС Российин отрядари. Мисаъ дахъуная зарар хьу инсанарин гIерза ликIен ус, яра кумак кканеттари хабар аркьа мукь. Кадыр-отар агъа хIуьриъ махьтабиас аттузуная хьед, гьер са класс обработкара акьуная. Угъалари зарар йи усар бицIибицIи арайил алчархьая. Амма республикайин са-са районариъ мункинвел аме мархал чIурхубанра. Карабудахкентский райондиъ мункинвел ая хьеттин гуджлувелди са-са хулариъ Гурбукина Карабудахкент агъа усарихъ фундаментин цалар ккетивуб. ИдехIела ме хулариъ ая инсанар са фулан вахттунистегьен багунттарин хулариъ эркьвагъилди хьуная.
Агьал кар аркьая рухан багвар цIуппе аркьай хьедра джуре багухъди ахъихьай. Чеченский республикайиъра хьед хаб йирхIуная, аккедиву хулара андава, зарар йи усар дуз аркьай хутти кар аркьая, зарар хьу инсанара вей ахттармиш аркьая, хабди госуслугабуриас пулун кумакра аркьагъилди. Гьалдис мисаъ госуслугабурин порталди адиная 13 агъзур гIерза. КIилди кей ме угъалари зарар йи усар арайил акьас кумак РСЧС-диас адине 4,3 агъзур инсан, 1166 техника хъара МЧС Российин авиацира.
Батитай Габибулаева
