«Ме къанди акьас хъучучIуна хIаягъан бина лап авалдин хаб ая гIедатаринра, гьер са инсандин йиркIвураъ ая чиппин ватан кканевелдинра, гихъас джан алиянас хIезурвелдин, халкьдин садвелдин, хIаттарин хатир ухIубан, сад сайихъай дуьхуьвелна хатир ухIуб э»- пуне Республикайин хIатти. Садвелдин ягъа джевизар еф «Россия-зе ватандин тарих э» агъа музейдиъ э. МегIрака хъучучIастти Сергей Меликова джалла мисаъ завал хьунаяттарис ме хIаягъ нубарак хьурай пуне; аркьая мегIрака фи кардис бахш акьунаяф ичин, хIаягъан бинайихъасра пуне. » 1741-пе исан гьемишттин сентябрьдин ягъари хье хIададар-хIабар- джалла миллатар сад хьуна, Дагъусттан халкьдин кIилил гъалмаз хьуная Ирандин шахкIилди дуьйин къучи- 100 агъзур инсан ая хъушум фай адиная Надир шахдин варттал гъалибвел гъушуни, учин йиркIвураъ ая хье халкьдис акьас кканди ая Iайвелар учинра, учин къушумдин кIилил рукьай агуф, Дагъусттандиъас ушуни. Ме гъалибвел гъушанас хьеф кIилди халкъ савусал хьуна, чIал сад акьуна зур бадалди гъайшина, душманарин сандихьасна, гебурин гуджлувелдигьас гучI дакьуна, Iэмалилди чиппин къуват агвар акьуба и. Гьетегуна джаллабур гъавурди архьуни: фидегьен хIа кар ичин садвелна нуьхIуьбат. Гьалра хье халкь, гьетегуна суман, садвел ухIай, чаб чиппихъай ислехIвел ай, нуьхуьбат ай тIуршая»- пуне региондин хIатти.
Джевизар гъушуттаригI мегIелимар, духттирар, эскерар амеде пешакурарин агьлибур гIуйи. Подполковник Нариман Шихалиевас «За заслуги перед Республикой Дагестан» агъа орден йине, ге бабавдина даадавди-Шихалиев Шамсутдинавдина, Гюльназ Гуьльмагомедовайивди (уч кичмиш хьуна). «Агьалра хье шиниккварина чуппари СВОйиъ хье Ватандин сакинвел ухая. Тебури чиппин игитвелна зурбавел гъуршанди аяф хIабабар-хIадари Великий Отечественный дегIвиъ тебурин игитвелна зурбавел йирквураъ икIуна э. Ппараттар кичмиш хьуная, амма тебури чиппин зурбавел агвар акьуна, игитар суман кIине. ТебуригI Табасаран райондин 2 Зурбавелдин орден гъушу, гвардин подполковник Нариман Шихалиевра гIая»- пуне региондин кIилил алди аятти. Шихалиев 155-пе отдельный гвардейский ордена Жукованна, Суворован Курский бригайин Тихооке анский морской пехотайихъай Мариуполь, Угледар хъара сасра мукьар азад аркьавусагI иштарак аркьай уйи. 2025-пе исан. июльдин ваз хъучачIу ягъари Михаил Гудковахъай-Российин Военно-морской флотдин главно-командующийдин заместитель генерал-майордихъай-Курский областин кквардун багулив кIине. Джалла кIеттар йиркIвурал акьуна, «минута молчания» акьуни тебурихъас.
Сергей Меликова залдиъ ая эскерарисра медаляр йине: гвардии младший сержант Гаджимурад Ватуевас, старший лейтенант Эльбрус Наврузовас, гвардии майор Малик Магомедовасра «За проявленное мужество» агъаттар. КIилди Дагъусттандин халкьдин ттуранихъас чухсагъул пуне эскерарис гебурин зурбавелдихъас. Мишттин медаль йине хъара 1999-пе исан гIачIугъубарин иштаракчи Магомед Исмаиловас. «Гьеме сентябрьдин ягъари хьин йиркIвурал аркьая 26 ис милас удигьай хье кардихъас, гъилив яракь гъушуна, Дагъусттан Российин хIуькуматдигI гIамилгуб бадалди-тарих аягъилди гъузуна. Агъзурарилди инсанар гъайшини Ватан ухIас. Гьертти учифас аттрукьа кар акьуни. Хум ушуна уйи садвел йиркIвурал акьуна, террористарин удигь гъузуна, садвел кьатI акьас атундава,»-пуне Сергей Меликова. «За проявленное мужество» агъа медалар Дагестанские Огни агъа шагьурдин пляжихъ, чиппин джандилас гъил гъушуна, хIуьлиъ адивая 3 руш гIаттиву Шамиль Баркаевас, Шамхал Шамхаловасна, Аслан Гюльмагомедовасра йине. Джевизаh спорсменарисна гебур вардиш аркьаттарисра йине1Олимпийский резервдин «Динамо агъа спортшколайин тренерарис «Звание заслуженного раблтника физической культуры» РФ: Сиражуттин Эльдаровасна Шахша Шахшаевасра, 50 истти кар акьуттис ме курарил. «Дагъусттан Российиъ кидай кIилди дуьйиъра ттур ая спортсменар ая мукь э. Исалас ис хъара хIа агалкьунар гъуршанди ая. Амма ге агалкьунар гъуршанф Iари спотсменарин гьунарар дава, ппара кар алдея гебур вардиш аркьаттаринра,»- пуне Сергей Меликова. Дагъусттан Республикайин «Орден Почёта II» пестепеньдин йине Республиканский детско-юношеский школайин директор Александр Марков -ацIун хье спортсменар вардиш акьуттис. Джевизар йине Дагъусттандин культурайин деятеларисра: Российин заслуженный артист Муса Оздоевасна Дагфилармонин артист Фаина Графченкойисра. Муса оздоевас «За заслуги в культуре иискусстве», Фаина Графченкойис «За труды в культуре и искусстве агъа медалар йине.
Тамам Рамазанова
