«Цифровой Кавказ» агъа форум хьуне Дагъусттандиъ 28-пе ноябрьдихъас 30-пе ноябрьдисттегьен Дагъусттандиъ хьуне медиабезопасностин «Цифровой Кавказ» агъа форум.

Ме форумди саусал завал акьуне блогерар, журналистар, джемеIетин фикир ухIа инсанар, гьер идарабурин вакилар, хъара Северо-Кавказский федеральный округдин регионариас ади экстремизмдинра терроризмдин курарил алгъузу пешакурара.

«ЯгIайин ягъас ппара удигьди ушуная информационный технологибурна искусственный интелект. Гьеме карди агвар аркьа ме форумдин лазимвел. Миштти идегуна гереквел ая СМИбурин пешакурарин таджриба алтухъ акьуб. Ме кардилас асуллу э журналистарин аркьа кардин адлувел», — пуне Арсен Юсупова.

Ме форумдин кьастт э — сагъилди хъучушуб медиабезопасностин курарихъ, авадан акьуб журналистикайин джувабдарвел хъай аркьа, дуздин рекъуьн фикир ухIагъилди гьалдин джигьилари.
Садпе ягъа ме форумдин ишттаракчибурис акьасе тренингар, практический сессибур. Мебур пай акьасе гьер командабур акьуна, хабди гьертти чиппин проектар аркьагъил ди.
Форумдин Iуьдпе ягъа хьуне «Северный Кавказ и медиабезопасность XXI века» агъа пленарная сессия.
Ме мегIрака арайил аркьуф хIуькуматин «Развитие средств массовой информации в Республике Дагестан» агъа программайин рамкабуриъ ай э.

Форум кIили файшуне АНО РД «Институт развития медиа» э, Дагъусттандин информацинра печатин Агенствойин майилдилди.

Батитай Габибулаева