Гьер миллатихъ хъая чиппин гIедатин, диндин,тарихдин, хъара хIуькуматин къанунарилди тастикь акьуная хIаягъар. Мишттин герек иде хIаягъарис фикир йис, кIвал акьас, ухIас хабди вере несиларис ягIархьас вакъиабур атас алучIа гьер миллатин халкьар. Хье вилаятиъ Дагъусттан ке ппара миллатар ая мукь э.Мисаъ ая халкьари ппара фикир ирцIанде чиппин гIедатин хIаягъарис суман хъара алтухъди ислам диндин хIаягъарисра.

Мусурман хиджрайилди исан арайиъ ая лап хIа кьиматин Рамазандин, Кьулбандин, хIаягъар. Ме вазарихъай барамбарди ая Рабиул-авальдин вазра.

Рабиуль-аваль мусурман хиджрайилди хьибудпе ваз э. Ме вазала хуная кIилди дуньяйис машгьурвел ая гирами, пайгъамбар МухIамад а.с. Рабиул-аваль хIисаб аркьа хайрлу баракатин ваз. КIилди дуньяйин мусурманари ме вазалан арайи алучIа ппара кIвал акьас пайгъабардин ттур, салаватар хуруна бахш акьас пайгъамбардис. Алтухъ аркьа иджвелин савабин курар.

Ме иса Рабиул-Авальдин ваз хъучучIуне август вазалан 24-петти. КIилди дуньяйин гьер мукьариъ дуламиш вея мусурман халкьдин инсанарин хьуне хIа зурба маджлисар, мегIракабур. Гьемиштти Агъул райондиъра гьер хIурариъ хьуне зурба маджлисар бахш акьуна пайгъабар ху вазалас. ме вазалан арайиъ.

11-пе сентябрьди Московский областин КПЦ»Единство»агъа идарайиъ хьуне Агъул халкьдин баракатин, хайирлувелдин маджлис. Ме маджлис бахш акьунаф мусурман хиджрайилди с.в МухIаммад пайгъамбар хуная Рабиуль-авальдин вазалас э.

КIвал акьасе ме мегIракайис майил акьуна ишттарак акьуне Москваиъ дуламиш вея Агъуларин джемеIети, агъуларин имамарин председательди Курбан Рамазанова, хъара мугьлат мункинвел хьуттари.

Арайил акьуне маджлис Малик Мустафаева.

Ахирахъди пас канде мишттин маджлисар, мегIракабур алтухъ хьурай мусурман халкьдин арайиъ миллатарин, арайиъ, маслехIетар хьурай, дунья ислехI хьурай. Инсанарин арайиъ хIулматбаракат алтухъ хьурай. Гьер са касди дин исламдин рекъуьъ акьунаядегьен иджвелин курарис бедел йирай, дараджабур алтухъ хьурай.

Наиба Гасукаева