Гьер са инсандивас хабар гъушучин фуш э пуна Iуьмурдиъ ке багьа инсан, алтухъ фикирар дакьуна джаллабури баб пасе.

Баб — ширинф, ибгIаф, гIудулф, иджеф, йирркIуран мурад гьер са валадин. Бабахъас идже гафар ликIина, чIаларилди пуна ккиркIвасттава. Мус хьучира хIа ттур ая назумчибури лиркIенфе бабарихъас мегIнибур, шиирар. Мебури шиниккварихъас дива джафа, гIезаб, загьмат са кьиматилдира йис хьасттава. Бабан са Iуьшан атIу ахун хъатIас хьасттава. Мус хьучира агъафе, шиниккварис джанат аяф бабан лекукк э пуна. Бабарихъай барамбарди дадарира загьмат дивай ичира, баб ами мебур аргвайда. Хулаъ баб адавахаб Iарди аве, ачадис ккандава, хал ругъуф суман аве. Шиникквдихъ Iуьссе хьасттегьен баб хъамичин валад ягъди бицIиф э.

Гъудгъуларин хlурин КДЦ-йин хlатти Алиева Аминат Казимовнайи чиппинин идарайиъ бабарин хlаягъан мегlрака кlили файшуне.

Гьелбетта бабарин ягъ гьер ягъа ичира, хlуькуматин къанунилди мебурин хlаягъ ноябрьдин вазалан ахиран эльхlед ягъ э.
«Мубарак хьурай гьер са бабас гьеме ягъ! Къуй чиппин кlилил ислехl, сакин зав, ирхе, шад lуьмур, валадарикес рехlет йиркlв хьурай» , — пуне Аминат Алиевайи.

Салихат Малагусейнова