Акьас башламиш акьуна ккидиркIу ФАП-арин курарихъас суалар гъадивуне совещанил Дагъусттандин Правительствойин Предсе дательди Абдулмуслим Абдулмуслимова. Премьер-министрди хабар акьуне, хье республикайин хIатти Сергей Меликова Оперштабдин заседанин ахирахъди буюрмиш акьуна уй пуна ахттармиш аркьагъилди акьуна ккидиркIу ФАП-ар.

Саддалара ппара гъургъуне хIурариъ ая фельдшерско-акушерский пунктарихъас, гьер исари хъучучIуна ккидиркIуттарихъас. 2012-пе исахъас хIуькуматин программабурилди, ГКУ РД «Агрострой» агъа идарайи кIили файшуна арайил акьуная 76 объект.

Хъара 11 объект аме ккидиркIуна. Хъара мисаъ пуне са-са ФАПарин читинвелар аме регистраци акьубахъас, са-са усарин герек оборудовани идихьубан суалар аме. Ме совещанин ишттаракчибури гьер са ФАП-дин гьава ахттармиш акьуне, Абдулмуслим Абдулмуслимова гьучихьуне фиштти хIел аркьайчин ме объектарин читинвелар ми нистерствобурин багухъасра хъара юркI алийине муниципальный образованибурин хIаттарилра. Абдулмуслим Абдулмуслимова буюрмиш акьуне арайил аркьа дуздин кьайда аттивагъилди гьер са объектин. КIвал акьасе, джурейи гъадивуне суал акьуна ккидиркIу ФАПдихъас Агъул райондин Буршагъарин хIуьриъ башламиш акьунаф 2021-пе иса.

Ме кардихъас тапшуругъ акьуне Сергей Меликова ахиран оперштабдин заседанил. Ме пуна уй джалла акьуна ккандея курар ккиркIвагъилди 2026-пе исан 1-пе марттис. Ме кар кIили файшубал алгъузуная райондин хlаф Закир Каидовра.

Батитай Габибулаева