12-пе ноябрьди Дагъусттандин Правительствойин Председательди Абдулмуслим Абдулмуслимова файшуне совещани, мисал гъадивуне суал фиштти хIел акьуна айчин республикайин бюджетин пул ахиран 10 вазалан арайиъ.

Совещани хъучучIугъилди Абдулмуслим Абдулмуслимова хабар акьуне ахиран вахттари республикайин бюджетин хIел иджи ая пуна. Налогарин хайир вартт хьубалди, аркьа кар вахттуни акьубалди идже кьимат йис хьасе республикайин финансарин гьавайис.

Премьер-министрди йиркIурал акьуне Дагъусттандин хIатти Сергей Меликова буюрмиш акьунаф э вахттуни хъучатуна хайир кей ачартагъилди бюджетин пулар 2025-пе исан ахирахъди.

ГIилминра духттураринра социальный программабур арайил акьас вахттуни гебурис гьуркIа пул хъучатуна кканде.
Хабди Дагъусттандин финансарин министрдин врио Шамиль Дабишева хуруне доклад фиштти хIел аркьайчин исполнительный власти республикайин бюджетный пулар ме 10 вазалан арайиъ.

Мебурин санарилди 1-пе ноябрьдис, республиканский бюджетиъ завал хьуная 173,3 милиард манат, ме э 85% са исан кьайдайикес.
Ушу исан вахттунихъ хъуттурфучин бюджетин хайир и 117%.
Кассовый харджар 1-пе наябрьдис хьуне 163,4 млрд манат.
«Са исас фату бюджетин средствабур джалла герек усарихъди рукьас акьубан суал ягъди уликк кеяф э хье республикайин хIаттин. Гьалдис йиная кIилди социально герек иде выплатабур ке удигьай йина ккандея харджара акьуная»,
— пуне Шамиль Дабишева.

Дагъусттандин резервный фондуниас акьуная герек харджар, йиная единовременная выплата СВОйин ишттаракчибурис, хъара мебурин хизанарисра кIилди кей ачушуная 3 миллиард манат.

КIилди ме 2025-пе исан выплатабурис федеральный бюджетиас фатуная пулар вахттуни эесибурихъди рукьая министерствобурин заявкабурихъ хъуттурфуна.

Ахирахъди Абдулмуслим Абдулмуслимова ме курар кIили файшуна ккане идарабурин хIаттарис буюрмишара акьуне.

Батитай Габибулаева