Алттушу хIефттайи Дагъусттандин Правительствойиъ хьу совещанил Сергей Меликова хабар йине ке лазим вакъиабурихъас.
Ноябрьди хьуне миллатарин алакъабурин советин мегIракайил хIукуматин хIатти Владимир Путина разивел йине, гьеме 2026-пе ис миллатарин садвелдис бахш акьас. Хъара буюрмиш акьуне маслехIетилди хIезур акьас ме кардис герек иде проектар.
Дагъусттандин хIатти кIвал акьуне ке лазим
миллатарин сиясатин кар йицIу исан удигьди фиштти арайил аркьайчин.
Садвелдин хIаягъар алттушуна хьуне заседани, ке лазим ягъ хьуне хье хIуькуматис, фас пучин, ягIайин ягъа, СВОйин вахттуни ме кар ке хIа панагь э хье хIуькуматис, джемеIетин миллатарин арайиъ маслихIет садвел ухIас.
«Гьеме заседанил хIуькуматин хIатти кIвал акьуне хье ватан, мукь ккедихьас, миллатарин арайиъ саринвел ихьас кьастт аяттар кам хьундава. Миштти идегуна Владимир Путина майил акьуна разивел йине вере 2026-пе ис миллатарин садвелдис бахш акьас»,
— пуне Сергей Меликова.
Ме кардис чишна э ягIайин ягъас ватан ухIай душмандин удигь гъузуная хIуькуматин удигь бурдж ирцIан СВОйин ишттаракчибур, эс керар,игитар, офицерар.
Мебури чиппин гьунарилди юз аркьа чиппис ватан кканевел, » Хьин джалла са халкь э» пуна.
Гьемисал Дагъусттандин хIатти кIвал акьуне Владимир Путинан чIалар:
Те алттушу вахттарин вакъиабур дарс насихIет э хьес гьалдихъас хаб вере несиларис заманабурис. Хье ватан ухIуб миллатарин арайиъ маслихIет хьуб сад суман кьастт хьуна кканде гьер махлукьдин инсанарин. Фикир йина кканде къерехилас вере хабарарис, фитнайис.
Мебурин кьастт сад э хье махлукь ккедихьас,мукь ватан хараб акьас.
Сергей Меликова кIвал акьуне президенти файшу советин мегIрака сасра регионарилас Дагъусттандис ке лазим идеф. Фас пучин, хье региондил 1990-пе исари алчархьуная четинвелар душманарихъай.
Къерехилас хIевалат вереттар фитнайис багьана аркьаттар фуш кканчира хьасе, амма хьин хье арайиас маслехIет,халкьарин арайиас нухIубат садвел кам акьуна ккандава.
ХIуькуматин кардил але гьер са къулгъчин вазифа э, ягIар акьуб Советин тIалабар», —
пуне Дагъусттандин хIатти Сергей Меликова.
Наиба Гасукаева
