«Офицеры России» агъа джемеIетин организацийи гьучихьуне гьер джуре ведомствобурин командабурис хIаягъан са ягъ гIаттивуб.
Ме ягъ гIаттивуне 21-пе августти къаршиламиш аркьагъилди — РФ-дин хIуькуматин пайдагъин ягъ багу иде вегIдайи. ХIуькуматин ме ишанди джалла офицерар нае рекъуьас лирханттар ичира са усал аркьа. Мебурис гIаттиву ягъахъ ме пешакурарис тарихдин мегIнара хъая.
«Офицеры России» агъа организацин сайтуниъ агвар акьугъилди, 1943-пе исан 21-пе августи Советский Союздиъ арайил акьуне суворовские училищабур. Мебурив хIуькуматин офицерарин корпус арйил акьубан рекъуьъ лап хIа мукь фахьуне. Офицер агъа ттур Российиъ бадил хьуне XVII-пе асирдин ахирарихъди Петр первыйдин вегIдабури. Офицер пуна садпе ттур йине Северный дегIвин ишттаракчи, паччагьдин кумакчи Иван Бутурлинас. Мин ттур Преображенский полкунин ке дахигунан списокаригI гIая. Семеновскийдихъай мебур русский офицерский корпусдин Iаб хIисаб аркьа.
Дореволюционный Российиъ офицер агъа ттуранин мегIна барамбар и кьехIелвелдихъай, игитвелдихъай, ламуслувелдихъай.
ЯхI-ламусин даликIи кодексдилди мишттин инсанарис лайикь давуй чиппи чиппин хIа гаф акьуб, аттдарукьа кар дихъас чIал йина хIву фацуб, герек дава къал — макъал аттивуб, хъара ппара джуре курара. Гьеме кьайдабур чIир акьуф дусттаринулиасра кехIей адархьайи.
Офицерарин ягъ 2025-пе иса – гIедатар
Офицерарин Ягъахъ официальный дараджа хъудавелдихъ хъуттудурфуна, ме лап хIайи къаршиламиш аркьа военнослужащибури, силовой структурабури.
Ме мегIракабуригI ишттарак аркьа хъара: в запасе офицерари, отставной военныбури, общественный, ватанперасвелдин, хъара ветеранарин организацибурин ишттаракчибури. Ме хIаягъ бадалди арайил аркьа концертар, фикирдин митингар, сослуживецарин гьучархьубар. ХIа ягъан пешакурари кьабул аркьа мубаракар хизанарин, дусттарин багухъас. Чугъсагъулар агъа офицерарис мебурин пешакарвелдихъас, зурбавелдихъас.
Офицерарин ягъ 2025-пе иса -мубаракар
Ме офицерарин хIаягъ мубараку акьас хьасе джалла силовой структурабурин пешакурарис. ГIедат идегъилди ме ягъа тIалаб аркьа мебурин джанарин сагъламвел, кардин рекъуьъсакинвел, хизанарин бахттлувел, хизанарисна ватандис вафалувел.
Мебур хье ватандин, хизанарин, хулан ирфар э. Чиппихъ гьемишандира сагъ джан, ачухъ цIуппе йиркIв, ислехI дуьнья хьурай. Чве ттур ппара зурбадалди гьава э. Кьуват йирай чвас, ле ттуранис хъара Iайи лайикьлу хьас! Чвас хIаягъ мубарак хьурай!
Салихат Малагусейнова
