2011-пе исалас мич Дагъусттандиъ 15-пе сентябрь Ремпубликйин джалла миллатарин садвелдин ягъ э пуна, хIаягъ аркьа. Мишттин хIаягъ акьас икьрар акьуф 2010-пе исан декабрьдин вазала Дагъусттандин халкьдин III-пе съездил и, 6-пе июльди 2011-пе иса Дагъусттандин пре зиденти №104-пе Указ адихьуни: республикайин халкьарин садвел, нуьхIуьбат цIуьппе хьубан бадалди.
Ме, 15-пе сентябрьди хIаягъ акьас икьрар акьуф, гьеме ягъа 1741-пе иса Дагъусттандин джалла миллатар садхьуна, Андалал шагьурдиъ зурбадалди Ирандин 100 агъзуран къушум фай адиная Надир-шах гьишас акьу ягъ идехIела э. Мисаъ 5 ягъан дегIви (12- 17-пе сентябьди) акьуна, шахдин къушумарин варттал гъалибвел гъушуни. Тегуна ке Iайи душманарил гъам алгъухьуф 15-пе сентябрьди и, дехIела э хIаягъ гьеме ягъа акьас икьрар акьуф. Ме гъалибвелди агвар акьуни дуьйис фидегьен зурбадалди Дагъ усттандин халкьари, джаллабур савусал хьуна, кIилди дуьйиъ, зурба э агъай, ттур ая Надиршах ккедикуна, гъаркь акьуф. Дагъусттан Магъриб багвна Машрикь багв гьучадивас аркьа мукь хьуне. Амма ме кардихъас хум гьатуна уйи-2,5 асирдилас вартт вахттуни. Дагъусттандин халкьдис йиркIуралас гьатас кканди адава чиппин дадарин зурбавелдихъасна, халкьдин садвелдихъас. Миллатар ппара ичира, йиркIварна джил сад э.
Гьеме ягъас бахш акьуна, Республикайиъ гьер джуьре мегIракабур аркьа: выставкабур, концертар, афихьубар, шадвелар, махьтабариъна сасра хура мукьариъ классный часар…
Гьеме ягъас, 12-пе сентябрьдихаягъ хъучадестти- Типпигъарин махьтабиъ кIилди школайин, шиниккварина мегIелимари, Зульмира Кубаевна кIилил алди,батIар хIа мегIрака акьуне: мисаъ гьер класси Дагъусттан халкьдин IуьтIубар акьуна, файдина уйи; кунар аликIуна адина, лихъунар акьуне; Дагъусттандин ттур ае шаирарин шиирар хуруне, сценкабур агвар акьуне, халкьдин зурбавелдихъасна, садвелдихъас ахъакьуне. Ппара тамашин мегIрака хьуне ме. МегIрака ккиркугъилди, джалабури файдиная IуьтIубарин тегIем акьуна, фун ацасттегьен IуьтIуне. Шадтти, йиркIв гьавахьуна, далгъуни. Мишттин ягъар идже ве сур сурин арайиъ нуьхIуьбат цIуьппе хьас. Яшамиш акьурай Дагъусттандин халкьаp.
Тамам Рамазанова
