Заремайис акьу вакцина

Ягъалас-ягъа ппара вея Агъул райондиъ гьер идарабуриас коронавирус агъа итталин руб йирхIуттар. Алттушу хIефттайиъ арбеI ягъа КЦСОНдин идарайин работникар чиппин хIаттихъай ушуне хье райондин больницайиъди садпе компонент руб ирхIас.

Рамазанова Зарема Мавлудиновна э Специалист, кар аркьая ми дегIде социальное обслуживание агъа отделениъ. Ме кардихъас са-Iу суалар алихьуне чин Зарема Мавлудиновнайис.

— Зарема Мавлудиновна, са-Iу суал алихьас кканди ая зас, вун акьу COVIDдин вакцинайихъас. Фиштти вун рази хьуне руб йирхIас? Фиштти ая ве джандин гьава, руб йирхIухаб?

— Фи гъа зун, удигьай ппара фикир акьундава зун ме кардихъас, зе хиял хьуне руб атаф ме иттал хьуттарис э пуна, фас пучин, засра, зе хулаъ ая хизанарисра хьундава ме иттал. Амма ме руб аттархьугъилди, йирхIасттава пуна фикир хьундава зе. Час че кардин хIатти акьуна кканде хьин вакцина пугъилди, чин джалла мисаъ кар аркьаттар рази хьуне. Са пай че кардил аяттари удигьай акьуне, вакцина. Магьа агьал са къа ягъалас чин хIезурди ая Iудпе компонент йирхIас.

— Гьалдихъас хаб руб йирхIас хIезурди аяттарис, хъара йирхIас гучI гьаттарис, фи насихIат аркьая вун, Зарема Мавлудиновна.

— Зегъилди гьер инсанди учихъас суман, джуреттарихъасра фикир акьуна са хиял, са фикир дакьуна джалла хIезурди аяттари йирхIучин идже хьасе.

Добавить комментарий

Ваш адрес email не будет опубликован. Обязательные поля помечены *