Загьматин кьимат

Гер инсандис ме дуьйил учин ризкь ликIина аяфе, фидегьен лихучира, фидегьен далихучира. Ме агъа чIал дава вун далирханди экьучира ве курар идже хьасе пуна. Лихантинф са гьава э, далирханттинф-сае. Инсан ухшар ве кар пешайик кеягуна, далирхан инсан чIир ве, чIирхIе хиялар, куме хиялар архьа ферра даркьай экьугуна.

Гьалдин заманабур лихучина фи хьучира акьас вере заманабур э. ХIурариъ ая джигьилар аве курар адава агъай гIачихьай гIадихьай. Амма хIукуматин курарихъайфидегьен читинди айчира лиханас кканетти учин кIилна рудж аттива, лиханас кканеттиракегьей дапучира-ккулинвел фадатти.

ЯгIайин ягъа аргвая хьес варха мукьариди лиханас душучира чиппин хизандин багулив экьуна хIурин гIанаъ кар пеша аркьаттар: ккафел атай, рукь алихьай, цал аркьай. Ая хIуб мал ухIаттара. Гебрира чиппивас вере хайр кеттива малдикес. ХIуппар хъайчин якк йина эркьвайдава хIуб узуна нисра аркьа. Рази хьасе хьин ге хIа загьмат э пуна гьер ягъа гьайчIвас давей рагъ угъал дагъай гебурихъ вей узубанра загьматар вей. Амма ге уза Iу-хьибу вазалан арайиъ узуна акьу нисин батIар кьиматра аттархьа гебурис. Агьал хIунин нис килав Iу верш агъайчи хIуппан нис килав гIифу вершалас ахтт агъайдава, яри-муя верш манатидира агъархьа килавин кьимат. ХIуппан нис деликатес суман хIурариъ аяттарира гъуянде, генара Iайи шагьурариъ аяттарира гъуянде. Сасагелай нис хъатубан четинвелар вейчира кьимат кардинра ккея, кар кьиматинра ккея.

ХIуппан нис акьас пугуна рехIетин кар дава. Учин кардин загьматихъас хIуппар уза хIуппехъенди хъара иджи пасе.

Добавить комментарий

Ваш e-mail не будет опубликован. Обязательные поля помечены *