Зияратдис

Играми  Шаввалдин вазала

Дагъустандис нур адине

Пайгъамбардин нигIматар

Мадинайиас фадине 

 

Мусурман  Дагъустандин халкьар

Сад суман  уягъ хьуне

ГIешкъунилди жаллавури

Зикри салават хай хьуне

 

Играми Пайгъамбардин нур

Каспи  шагьурдис  киркьуне

Зияратдис  вес кканди

жалла халкь  хIезур  хьуне

 

Аллагь чвал  рази хьурай

Iэлимарна  хIекимар

Iешкьунилди  салават хай

Зиярат кьабул акьурай.

 

Мидегьен  чин  шад акьу

Iэрабар  чун  сагъ акьурай

Халкьарин  дуьгIейилди

Душманарикс  чун ухIурай

 

Играми диндин чувар

Iуьш ягъ лекул  алеттар

Халкьарис  сабур  ицай

Аллагьдин  рекъуь  аейтар

 

Салаватар ме чин хай

Туба зикри  акьай

Зияратдис вагIретарин

Кьабул Аллагьди акьурай

 

Сабур  сабур хьес  агъай

Уларилас  негъвар вай

йиркIурал Iэшал  алди

Зиярат  кьабул акьурай

 

Салам  ина мукьу хьуф

Кьабул гиса хьин акьуне

Пайгъамбардин чIарар  агуф

Улар Iэшали  ацIуне

 

Абу-Бакар, Iуьмаран,

Iуьсман, Iэлинтара агуне

Пайгъамбардин хутулар

ХIесан, ХIусейнинтара агуне

 

Пайгъамбардин  лекарин

Ишанар  хьес  агуне

Хъай  аруцва халатра

Къаббара хьес агуне

 

Дуьняйил хьин алмиди

Хьес  жалла  гевур агуне

Хьин  акьунайде дуьгIевур

Аллагьди кьабул акьурай

 

Эй мусурман  инсанар

Фашанай  чун  Салават

Кагьал вагIл чун акьучин

Хьасе шейтIан гьевалат

Шукур хьурай  Аллагьдис

Маджлис  кьисмат хьубас

Адабилди  рекъуь ай

Ушуне  хьин  зияратдис

 

Аллагь хье йиркIурал  алди

Пайгъамбардил  Салават хай

Нафсунис  хье сабур  ицIай

ушуне  хьин  зияратдис.

 

Мубарак  Пайгъамбардин  руьхI

Адиб  мисал  мумкине

Iэшкъунилди  салавайт  хай

Туба  хье  кьабул  акьурай

 

Гъафил магIванай муIминар

Хас  зикри  салавайт

Иже  инсанарин баракат

Нур  Пайгъамбардин адисе

 

Агъзур агъзур  салавайт  хьурай

Хье  МухIаммад Пайгъамбардил

IэсхIебар  хье  Абу-Бакар,

Iуьмар, Iуьсман, Iелилди

 

Эй Курегъарин Iебай хIежи

Зиярат  ве кьабул акьурай

Аллагьди  амурдалди

Дженатдик ве пай хьурай.

Абай  Мусаев, с. Кураг

 

Добавить комментарий

Ваш e-mail не будет опубликован. Обязательные поля помечены *