Захьматин кьимат

загьматин кьимат

Авалдин вахттари ппара загьмат и кардилдира, туларилдира фи хьучира акьас. Загьматтилди акьуна ая шейэр ухIасра ягIай и. Хьин агьал хуларихъас, джуре гьер инсанди учис аркьас курарихъас пастава, хьин пасе джемеIт алучуна, джемеIетис хайир гъаре шейэрихъас, гьалдин вахттари фикир аркьай фиштти эгьан ме акьуф агъай, хьиму инсан лиханди уйигьан мисаъ агъа муцкьарихъас. Саннапуна гъаурдиъ адархьучира чун-гебур э мугIар, хье нецIварин те багвара ме багвара багу аркьа устабури акьу Iеламатар. Хьин ягIа пасе Тпигъарин хIуриас гъванкIар багукди вере мугIуйихъас, авала гъудгъуларин хIуригIди гIачаверегуна ая комсомольский агъа мугI акьуна адавуйигуна, хIа нецIулас алдихьуна ая хIа Iу чархан мугIуйихъас, кьубин булахилди вере мугIуйихъас, джала типпигъарис ягIа «мугIуйин кьабакк яIар ахъас» агъа мугIуйихъас. Агьал алтухъ инсан авалсуман лиханди андайчира кечIукь гъванкIар багук кея хьибу хулас рекъ аркьая хIуригIди гIачавес. Са ягъа зун ме мугIуйилас вей зас кьагьар хьуне мисан гьава агуна. Лек ишина гIаттвес давереф суман э уйиф гъузуна угъу угъаларин хьеттар хIуьлар хьуна. мугIуйин кьабарилди руг алавей мертт даркьай яI хьиба хьуна ая, училди угъу хьеттара, багварихъас ккевере, джалла давайчира, хьеттара гъатая мугIуйин яIаниъ. Сад пеф мугIуйилас вере инсан балчикъаригIасна хьеттаригIас гIаттушуна кканди ая, Iудпеф мугIуйил гъузуна аядегьен хьеттар кIейчуб мунким э гIая ругара гIудул акьуна кIенакди. Ге ламар Iурдис дарукъучи мерккв ая дардуман мугI. Хьес агьал ге мугIйин кьимат Сурис хум вея, Сурис ягIай адава, амма фаттархьучи хьин джалла гIеджиз хьасе.

Гишттин курар хьин джемеIетира акьуна кканеттаре, гисалас гьер ягъа хулади веяттарира акьуна кканеттари, кар ппара аяхаба хIуькуматис пуна, хIуькуматира акьуна кканеттаре. Хум гьатуна ккандава хьин хье дадари, хIададари акьуна загьмат.

 

                             К.Мирзоев