ЯгъцIуралас вартт дахъасе модулный ФАПар Дагъусттандиъ сасра иса «Здравоохранение» агъа проектилди

ЯгъцIуралас вартт модульный фельдшерско-акушерский пунктар  дахъас  кканди ая  Дагъусттандиъ сасра иса. ФАПар  гъадивай ая «Здравоохранение» агъа национальный проектилди. Здравоохраненин  министрдин  Джамалудин Гаджиибрагимован  чIаларилди больницабурин идарабур  хьасе  къайдабурилди  хьуна ккане суманттар.

Фельдшерский пункт — ге садпе медик-санитарный кумак  аркьа мукь  дава  Iари, хъара  инсанарихъай кар акьуб,  иммунизация, хуппай  акьас давере кумак акьуб, хулариъ  ая  иттаттарихъ ахъаджихIуб,  духттурари  ликIиттар акьуб.

КIвал акьасе, ме ис  кIиркIвастти  модульный ФАПар хьасе   цIегIифу хIуриъ. Гебур  алихьас  джилар  агвар  акьуна ая. Пул фартай аяф ме курарис  Федеральный бюджетиас  э «Здравоохранение» агъа проектилди. Аркьай  аяф  мебур кеудигь кIил  джемеIетис  иджвел хьурай пуна.

«Здравоохранение»  агъа  нацпроект  акьуна  аяф э  кар  акьас вере инсан кIиб  чIукь  хьурай  пуна, медико-санитарный кумак аркьа идарабуриъ курар аркьаттар гьуркIурай пуна, джалла  халкьдис  гьуркьвагъилди  духттурарин  хъутурфубар, ке чIукь иса сагелай ме нацпроектис  Дагъусттандис фатасе 20 млрд манатилас вартт.

Добавить комментарий

Ваш e-mail не будет опубликован. Обязательные поля помечены *