Iуьдпе майдиъ Ботлихский райондиъ  адинауйи Дагъусттандин правительстойинра Главайин Администрацинра   хIаф  Владимир Иванов, хъуттурфанас  Дагъусттандин хIатти пунаае буюрмишар  фиштти аркьай айчи, ягIа-багагь хьасе 20 ис душманарин кьушумар къирмиш акьуне Дагъусттандин мукьарил хъара 30 исас, багъиш акьуна ая  хье солдатар Афганистандиас аттивуна.

Владимир Иванова Магомед Патхулаевахъай хъуттурфуне мукьарихъ нанди ишин авалдин администрацин идара арчIвас акьуна алиянди аяф  икьрар цIее памятник алихьас игитарин ттурарихъас.

Гьеге ягъа димари Ботлихский райондиъ Ансалта агъа хьуриъ хьуне хIейванарин гьатубар, посвятит акьуна аеф памяти Магомедтагир Абдулбасировас. МегIракихъ  адинавуйи МахIачкъалайиас хIулар,  Абдулбасирован мукьу- багунттара.

Организаторарин чIаларилди, гьуккас гIаттивуна ае хIейванар ке иджеттар э. 5000 инсан завал хьуна ая ме мегIракихъ.

Дагъусттандин хаттин ттуранихъас Иванова мубарак акьуне мегIракар. Ми кIвал акьуне, ягIа МахIачкъалайиъ вейяф  50 пе международный турнир Али Алиеван. Дуьняйиъ ттур ае борцIыбрын къулар але туппар йессе гъалибвел гъушуттарис.

ХIейванарин гьатубар хьуне хьибугелай . Садпегелай манзил ий -3 круг, Iуьдпеф -7, хьибудпеф -11. Джалла гъалибвел гъушуттарис  ийне пулар.

Ансалта агъа хIуьриъ  Ботлихский районди гIедат хьуна ая мишттин мегIракьай гъас, гIешкъунистти завал ве джемеIет.

 

Ж. Хамазаева