Вакцинация дакьуна ме иттал хьегьас вархал хьасттава

Цееридпе ноябрди хье Дагъусттандин хIатти Сергей Меликова адихьуне указ, гьеге ягъахъас хаб хулариъ эркьвагъилди вакцинация дакьу 60 исалас вартт яш хье инсанар. Ме маслихIат акьунаф гьакIанди дава, хье хIуькуматин эпидемиологический гьавайихъ хъуттурфуна э. 

Ме кардихъас фи фикир аркьайчин, зун ахтармиш акьуне Типигъарин хьа яш хье инсан Iели Курбановичавас. Мин ахъакьубарилди, учи, са чIире фикира дакьуна, ушуна йирхIуфе пуне вакцинайин руб. Те вахттуни ме коронавирус иттал Iайи алгъазийина уйи гьеме къатдиъ ая суман инсанарил. Хабди э ме иттал джурейи джалла яшанин инсанарил хIевалат хьеф, джигьилф, Iуьсеф дагъай. Агъал мин фикирди ая фидегьен идже акьунду зун пуна. Фас пичин, ягIайин ягъа мин удигь са джурейинра къадагъа гьадава.

«Зе хулан хизанарикес ке удигьай вакцинайин руб йирхIуфра зун э. Са хулан хизанар ичира, ме руб йирхIубахъас фикирар гьер джурейи уйи че. Руб йирхьуб иджи ичира, Iайи ичира, джалла инсанар Аллагьдин гъиликк ккеттаре. Амма гьалдис зе йиркIв архайинди ая ме итталикес. Эгера иттархьучин, рехIети алавесе пунара муш кея зе. Зе фикирдалди, джаллайис йирхIас алчархьасе ме руб, дирхIуна ме иттал хьегIас гIайчIвасе пуна муш кидава зе», — пуне Iели Iеби.

Батитай Габибулаева

Добавить комментарий

Ваш адрес email не будет опубликован. Обязательные поля помечены *