Вакцинация акьас кканеттис са багьанара адава

Ме коронавирус итталин гьавайин гъавурдиъ архьас инсанарис ппара читин хьуная. Итта инсандихъ хъуттурфучин, пас хьасе грипп хьунафе пуна, амма ушуна анализар йехаб, арайил ве коронавирус э пуна. Ппара тегIди инсанарисра кедиша ме иттал. Эгера хубджи инсанар завал хье усаъ сад хьунара иттаф аехаб, са гафра адавай кедишасе джуре инсанарисра. Амма гьер инсандин джандин гьавара сад дава. Сур ая дахи-дахи кедишаттар, сурис сакимара вейдава. Ме кардин багьана э иммунитет.

Гъамар-дардар акьуна кканде ме иммунитет адаватари. Мебурис джурейи читин э. Гьук акьуна итталар фарцанде. Миштти идехIела, агъафра ме коронавирусдигьасра къадагъабур акье пуна. Садпе тIалаб э инсанарикес ушуна больницайиди вакцинация акьуб. ЯгIайин ягъас хIаф-бицIиф пас вей адава, джалла ешунин инсанари йирхIуна кканди ая ме руб.

Вакцинация акьас кканеттис са багьанара адава, мус ушучира хIезурди ая вакцина хье больницайиъ, кьацра хъаттархьас адартай.

Iудпе тIалабра э хIедегьен мерттвел акьубан. ЭхIттият аркьай кканде гъилар IуьрчIанди, мухур, гIепчи аркьатин багулив гъирхIуна ккандава, саддалара ппара инсанар завал вере мукьариъра гъадатай.

 

Батитай Габибулаева