Хье Агъуларин райондиъ коронавирусдин иттал бегьемди чIукь хьуне.  Районный больницайиъ садра ковид хьуна иттаттар адава. Фас пучина, джалабури йирхIуне ге итталин рубар. Гьал, ге рубарин вахтт алттархьунахIела, цIаекIилиастти хъучучIуная йирхIас ме итталин рубар. Инсанар чаб ве больницайиди йирхIас чиппис нубатин руб.

Накь, учин рубун вахтт ккиркIунахIела, Шамсудинова Тамилайира йирхIуне Iудпе руб коронавирусдинф. Ги йирхIуне са компонентный «Лайт» агъа руб.

«Те иса зунра, зе хизанара ппара Iайи иттархьуна уйи ме итталилди. ДехIела зун вахттуниай йирхIас алучIа мин руб. Коронавирус ппара Iа иттал э. Чин дакIина ккеттархьуне ме итталиккес.  Захъ Iуд бицIи шиникквара хъая, зас гучIа гебурисра хьас ме иттал. ДехIела э зун руб вахттуни йирхIуф. Зун джалабурис йирхIуна иджи э агъа ме итталин руб», — агъайи Тамилайи.

Инсанарис гучIайра андава ме рубаригьас. Джала вардиш хьуне вакцинайихъди. ДехIела вахтт ккиркIугъилди ушуна ата руб.

Агъуларин джемеIетар, иттал хаб йирхIуна айчира, чун мугъатти экьве. Iайи алдавай вес алмучIа герекдава, инсанар ппара айя мукьариди. ЦIакIинаригIди, гамачIарилди верегуна, эхIттият аркьай акье гьучудучIас итта инсанаригь.

УхI чве джанар, чве багу кIилинттарин, хизанарин, къуни-къуншибурин джанар.

Нафият Шамсудинова